ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)އިން މޯލްޑިވިސް އިންޑަސްޓްރއިަލް ފިޝަރީޒް ކޮމްޕެނީ ޕްރައިވެޓު ލިމިޓެޑް (މިފްކޯ)ގެ ސީއީއޯ އަހުމަދު ޝަމާހުއަށް ފޮނުވި ސިޓީ އޭނާއަށް ނުލިބޭ ކަމަށް ބުނެ ފެތުރީ ދޮގުކަން ހާމަވެއްޖެއެވެ.

ޕީސީބީއިން ޝަމާހު ސަސްޕެންޑްކުރީ ރަގަޅަށް ނޫންކަމަށާ އޭނާއަށް އެކަން އަންގާފައިވެސް ނުވާކަމަށް ޝަމާހު ބުނާ މައްސަލައިގައި ހޯމަ ދުވަހު ވަނީ ޝަމާހު މަޖިލީހުގެ ސްޓޭޓް އޯންޑް އެންޓަރޕްރައިޒަސް (އެސްއޯއީ) ކޮމިޓީއަށް ހާޒިރުކޮށް މައުލުމާތު އޮޅުން ފިލުވާފައެވެ.

އެ މައުލޫމާތު ހާމަކުރަމުން ޝަމާހު އެންމެ ފުރަތަމަ ވެސް ބުނެފައިވަނީ އޭނާ ސަސްޕެންޑުކުރި ކަމުގެ ލިޔުން އޭނާއަށް ލިބުނީ އޮފީހަށް އެ ދުވަހު ދިއުމުން ކަމަށެވެ. އަދި އޭގެ ކުރިން އޭނާއަށް އެއްވެސް ލެވެލްއެއްގައި އެ މައުލޫމާތު ހިއްސާކޮށްފައި ނުވާ ކަމަށް ޝަމާހު ވަނީ ހާމަކޮށްފައެވެ.

ޝަމާހު މިފަދައިން ވިދާޅުވެފައިވާއިރު ޕީސީބީއިން ހާމަކޮށްފައިވާ ގޮތުގައި ސަސްޕެންޝަންގެ ސިޓީ އާންމު އުސޫލުގެ މަތިން ހާޑުކޮޕީ އެ ކުންފުނީގެ އިދާރާގެ ރިސެޕްޝަންއާ ހަވާލުކޮށް އަދި ކުންފުންޏަށް އީމެއިލްވެސް ކޮށްފައިވާނެ ކަމަށެވެ.

މިކަމާ ގުޅިގެން ޝަމާހު އިއްޔެ ބުނެފައިވަނީ ސިޓީ ލިބިފައިވާ ކަމަށާ ސިޓިއަސް ޖަވާބުވެސް ދީފައި ވާނެ ކަމަށެވެ.

ނަމަވެސް ޝަމާހުއާ އޭނާގެ އަންހެނުން މި ސަރުކާރުގެ ހޯމް ލޭންޑް ސެކިއުރިޓީގެ ނައިބު މީގެ ކުރިން ވަނީ އެ ސިޓީ ޝަމާހުއަށް ނުލިބޭ ކަމަށާ ސިޓީ ފެނުނީ ސޯޝަލް މީޑިޔާއިން ކަމަށް ބުނެ ދޮގު ހަދާފައެވެ.