PPM Ge Dhe Membarun MIfaharu Majileehah Kurimathilany PNC ge Faraathun, Majubooruvegen: Raees Yameen

އޭދަފުށީ ދާއިރާ އަދި މަހިބަދޫ ދާއިރާ މަޖިލީހުގައި ތަމްސީލު ކުރަމުންގެންދާ ޕީޕީއެމް ދެ މެމްބަރުން މިފަހަރު މަޖިލީހަށް ކުރިމަތިލާންޖެހުނީ ޕީއެންސީގެ ފަރާތުން ބަޔަކު މަޖުބޫރުކޮށްގެންކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވެފައިވަނީ އާދިއްތަ ދުވަހުގެ ރޭ ފްރޮންޓް އޮފީހުގައި ކުރިޔަށް ގެންދިޔަ ޖަލްސާގައި ވާހަކަދައްކަވަމުންނެވެ.

އެގޮތުން ރައީސް ޔާމީން ވިދާޅުވީ 19 ވަނަ ރައްޔިތުންގެ މަޖިލީހުގައި އޭދަފުށީ ދާއިރާ ތަމްސީލުކުރައްވާ އަހްމަދު ސަލީމް،އަދި މަހިބަދޫ ދާއިރާގެ މެމްބަރު މުހައްމަދު ތާރިގް (ޓޮމް) އަކީ މަޖިލިސް ދަފްތަރުގައި ޕީޕީއެމްގެ މެމްބަރުންކަމަށެވެ.

އަދި ކުރިޔަށް އޮތް 20 ވަނަ ރައްޔިތުންގެ މަޖިލިސް އިންތިޚާބްގައި މި ދެބޭފުޅުންވެސް ޕީޕީއެމްގެ ފަރާތުން މަޖިލީހަށް ވާދަކުރަން އުޅުމުން އެބޭފުޅުންނަށް ހުއްދަ ނުދެއްވާކަމަށާއި ހުއްދަ ދެއްވީ ޕީއެންސީގެ ފަރާތުން ވާދަކުރުމަށްކަމަށް ރައީސް ޔާމީން ވަނީ ވިދާޅުވެފައެވެ.

މިހާރުވެސް ޕީޕީއެމްގެ ދެ މެމްބަރުންގެ ގޮތައް ތިބި،މަޖިލީހުގައި ތަމްސީލް ކުރަމުންދަނީ ޕީޕީއެމްގެ ދެ މެމްބަރުން ގޮތައް. އޭދަފުށީ ދާއިރާގެ މެމްބަރު އަހްމަދު ސަލީމާ، އަދި މަހިބަދޫ ދާއިރާގެ މެމްބަރު ތާރިގް (ޓޮމް) އާ. އަޅުގަނޑަށް އެނގިފައި އޮތްގޮތުން ވަންޏާ، މި ދެމީހުންވެސް މިފަހަރު ރައްޔިތުންގެ މަޖިލިހަށް ކުރިމަތިލަނީ ޕީއެންސީގެ ނަމުގައި، އެމީހުންނަކަށް ހުއްދައެއް ނުލިބުނު ޕީޕީއެމްގެ ނަމުގައި ކުރިމަތިލާކަށް.

- ރައީސް އަބްދުﷲ ޔާމީން އަބްދުލްގައްޔޫމް

ރައީސް ޔާމީން އިތުރަށް ވިދާޅިުވީ އެ ދެ މެމްބަރުން އަދިވެސް ޕީޕީއެމް ދޫނުކޮށްލާ ކަމަށެވެ.

އަދި ކުރިޔަށް އޮތް މަޖިލިސް އިންތިޚާބްގައި ޕީއެންސީގެ ކެންޑިޑޭޓުންގެ ގޮތުގައި ކުރިމަތިލާން ޖެހުނީ އެ ދެ ބޭފުޅުންނަށްވެސް މަޖުބޫރުކޮށްގެން ކަމަށް ވިދާޅުވެ ރައީސް ޔާމީން ވަނީ ފާޑުކިޔުން އަމާޒުކޮށްފައެވެ.