ލާއޯސްގައި އެންތްރެކްސް ފެތުރި، 54 މީހަކަށް އަސަރުކޮށް، މި މަހުގެ ތެރޭގައި އެތައް ޖަނަވާރުތަކެއް މަރުވުމާ ގުޅިގެން ތައިލެންޑުން ވަނީ އެންތްރެކްސްއާ ދެކޮޅަށް ސަމާލުކަން ވަރުގަދަކޮށްފިއެވެ.
އެންތްރެކްސް އަކީ ބެކްޓީރިއާ ބެސިލަސް އެންތްރެސިސްގެ ސަބަބުން ޖެހޭ ވަރަށް ބޮޑު ގައިންގަޔަށް އަރާ ބައްޔެކެވެ. މިއީ މައިގަނޑު ގޮތެއްގައި ޖަނަވާރުތަކަށް އަސަރުކުރާ ބައްޔެއް ނަމަވެސް ބަލި ޖެހިފައިވާ ޖަނަވާރުތަކާއި ނުވަތަ ތަޣައްޔަރުވެފައިވާ ޖަނަވާރުގެ އުފެއްދުންތަކާ ކޮންޓެކްޓްވެގެން އިންސާނުންނަށް ވެސް ބަލި ޖެހިދާނެއެވެ.
އެންތްރެކްސް އަކީ ހަމުގެ ޒަހަމްތަކުން ފެށިގެން ނޭވާލާ ނިޒާމަށް ސީރިއަސް އުނދަގޫތަކެއް ނުވަތަ ގެސްޓްރޮއިންޓެއިންޓައިނަލް އަލާމާތްތަކާ އެކު އެކި ވައްތަރުތަކުން ފާޅުވާ އަލާމާތްތަކެކެވެ.
ޑިޕާޓްމަންޓް އޮފް ލައިވްސްޓޮކް ޑިވެލޮޕްމަންޓްގެ ބިއުރޯ އޮފް ޑިޒީޒް ކޮންޓްރޯލް އެންޑް ވެޓެރިނަރީ ސާވިސަސްގެ ޑިރެކްޓަރު ނަރޮންގް ލިއަންގަރޫއެން ވިދާޅުވީ، މި ބަލި ފެތުރެމުންދާ ކަމުގެ ރިޕޯޓް ލިބުމާ އެކު ތައިލެންޑްގެ ކަމާބެހޭ ފަރާތްތަކުން ލާއޯސްގައި ތިބި މީހުންނާ އެކު މަސައްކަތް ކުރަމުން އަންނަ ކަމަށާއި، ތައިލެންޑުން ބަލި ފެނިއްޖެ ހާލަތެއްގައި ވެކްސިން ތައްޔާރުކޮށްފައިވާ ކަމަށެވެ.
ނަރޮންގް ލިއަންޗަރޫއެން ވިދާޅުވީ ބޯޑަރު ހުރަސްކޮށް ޖަނަވާރު އުފުލުން ހަރުކަށިކޮށް ކޮންޓްރޯލް ކުރަމުން އަންނަ ކަމަށެވެ. އޭނާ ވަނީ ލާއޯސްއިން ޖަނަވާރު ތައް ކަރަންޓީނުކޮށް، ޝައްކުކުރެވޭ ބައްޔެއް ނުވަތަ މީހަކު މަރުވެއްޖެނަމަ ވަގުތުން ރިޕޯޓް ކުރުމަށް ޖަނަވާރުގެ ދަނޑުވެރިންނަށް އިންޒާރު ދެއްވާފައެވެ.
ބަލި ހަލުވި ކަމާ އެކު ފެތުރެމުން ދިޔަ ނަމަވެސް އަދި އެ ބަލީގައި މީހަކު މަރުވެފައި ނުވެއެވެ.
