ވައިގަދަ ވުމުގެ ސަބަބުން ނިއުވާކް އެއާޕޯޓަށް ދާން ނިންމާފައިވާ ޓެލްއަވީވް އިން ފުރައިގެން ދިޔަ ޔުނައިޓެޑް އެއާލައިންސްގެ ފްލައިޓެއް އޭގެ ބަދަލުގައި ހުކުރު ދުވަހު އޮރެންޖް ކައުންޓީގެ ނިއުޔޯކް ސްޓިވަރޓް އިންޓަނޭޝަނަލް އެއާޕޯޓަށް ޖައްސަން މަޖުބޫރުވި ކަމަށް އޮފިޝަލުން ހާމަކޮށްފިއެވެ.

ފްލައިޓް ޓްރެކިން ސައިޓް، ފްލައިޓްއެވޭއާ އިން ދައްކާ ގޮތުގައި ބޯޓު ނިއުވާކް އެއާޕޯޓާ ކައިރިވެ، އެނބުރި އުތުރަށް ވަށައިގެން ދަތުރުކޮށް ނިއުޔޯކް ސްޓިވަޓް އިންޓަނޭޝަނަލް އަށް ޖައްސާފައިވެ އެވެ.

"އަޅުގަނޑުމެން ނިއުޔޯކް އިންޓަނޭޝަނަލް އެއާޕޯޓަށް 10 އީއެމްއެސް ޔުނިޓާއެކު ޓާބިއުލެންސް ޖެހިފައިވާ ޔުނައިޓެޑް ފްލައިޓެއްގައި ތިބި ފަސިންޖަރުން އިވެލުއޭޓް ކުރުމަށް ދިޔައިން. 7 ފަސިންޖަރުން ހޮސްޕިޓަލަށް ގެންދެވުނު." ނިއު ވިންޑްސަރ އީއެމްއެސްގެ ޗީފް މައިކަލް ބިގް ދަ ޑެއިލީ ބީސްޓަށް ވިދާޅުވި އެވެ.

ވެސްޓްޗެސްޓާ ނިއުސް 12 އިން ރިޕޯޓްކޮށްފައިވާ ގޮތުގައި އޭގެ ފަހުން ނިއު ވިންޑްސަރ އީއެމްއެސް އިން ހަތް ފަސިންޖަރަކު މޮންޓެފިއޯ ސެއިންޓް ލޫކްސް ކޮރްނޯލް ހޮސްޕިޓަލަށް ގެންދިޔައިރު، 15 މީހަކަށް ފަރުވާ ދީފައި ވަނީ ސީނުންނެވެ. އެއްވެސް މީހަކަށް ސީރިއަސް އަނިޔާއެއް ލިބިފައެއް ނުވެއެވެ.  ނިއު ވިންޑްސަރ އީއެމްއެސް އިން ބުނީ މޯޝަން ސިކްނެސް އަށް އެތައް ބަޔަކަށް ފަރުވާ ދިން ކަމަށެވެ.

ވެސްޓްޗެސްޓާ ނިއުސް 12 އަށް މައުލޫމާތު ދެމުން އެމެރިކާގެ ފެޑެރަލް އޭވިއޭޝަން އޮތޯރިޓީއިން ބުނީ އެ ފްލައިޓް ސަލާމަތުން ޖައްސާފައި ވަނީ ހަވީރު 6:45 ހާއިރު ފަސިންޖަރުންނަށް މެޑިކަލް އެމަޖެންސީއެއް ދިމާވި ކަމަށް ކްރޫއިން ރިޕޯޓް ކުރުމުންނެވެ.

"މިއަދުގެ ވަގުތެއްގައި ޔުނައިޓެޑް އެއާލައިންސްގެ ފްލައިޓެއް ނިއު ޖާޒީގެ ނިއުވާކް އެއާޕޯޓުން ނިއު ވިންޑްސަރުގެ ސްޓިވަރޓް އިންޓަނޭޝަނަލް އެއާޕޯޓަށް ޑައިވަރޓްކޮށްފައި ވަނީ ވައިގަދަވެ ހަލަބޮލިވުމުގެ ސަބަބުން،" ނިއުޔޯކުގެ އޮރެންޖް ކައުންޓީގެ ކައުންޓީ އެގްޒެކެޓިވް ސްޓީވް ނިއުހައުސް ފޭސްބުކް ޕޯސްޓެއްގައި ބުންޏެވެ.

"ސްޓިވަރޓް އެއާ ނޭޝަނަލް ގާޑް ފަޔަރ ޑިޕާޓްމަންޓާއި އިމަޖެންސީ ސާވިސަސް އާއި އެކު ޕޯޓް އޮތޯރިޓީ، ކައުންޓީ އަދި ލޯކަލް މުނިސިޕަލް ފަސްޓް ރެސްޕޮންޑަރުން ވަނީ ގާތްގަނޑަކަށް 200 ފަސިންޖަރުންގެ ހާލަތު ވަޒަންކޮށްފަ.  ބައެއް މީހުން ލޯކަލް ހޮސްޕިޓަލްތަކަށް އިވެލުއޭޓް ކުރުމަށް ގެންދިޔައިރު ބާކީ ތިބި މީހުން އަނބުރާ ނިއުވާކް އެއާޕޯޓަށް ގެންދިޔަ އެވެ.  އަޅުގަނޑު ޝުކުރު އަދާކުރަން ބޭނުންވަނީ، ފަސްޓް ރެސްޕޮންޑަރުންގެ ހުރިހާ ބޭފުޅުންނަށް، އެބޭފުޅުންގެ އަވަސް، ވަރުގަދަ، އަދި ޕްރޮފެޝަނަލް ފިޔަވަޅު ތަކަށް."