ފޯބްސް އިން ދުނިޔޭގެ ބިލިއަނަރުންގެ އަހަރީ ލިސްޓް އާންމުކޮށްފައިވާއިރު 2024 ވަނަ އަހަރު އެ ލިސްޓުގައި ކުރިއަށްވުރެ ގިނަ މީހުން ހިމެނެއެވެ.

މިދިޔަ އަހަރަށްވުރެ ދުނިޔޭގައި 141 ބިލިއަނަރުން އިތުރުވެފައިވާއިރު، ޖުމްލަ 2،781 ބިލިއަނަރުން އެބަތިއްބެވެ.  އެމީހުންގެ ޖުމްލަ އަގު 14.2 ޓްރިލިއަން ޑޮލަރާ އެއްވަރު – 2023 ވަނަ އަހަރު 2 ޓްރިލިއަން ޑޮލަރެވެ.

2024 ވަނަ އަހަރުގެ ލިސްޓުގައި ވެސް 2021 ވަނަ އަހަރު ހެދި ރެކޯޑްތައް މުގުރާލިއިރު، އެ ލިސްޓުގައި އިތުރު 26 ބިލިއަނަރުން ހިމެނޭއިރު، އެމީހުންގެ ޖުމްލަ މުއްސަނދިކަން 1.1 ޓްރިލިއަން ޑޮލަރަށް އިތުރުވެފައިވެ އެވެ.

މިހާތަނަށް ތިބި ބިލިއަނަރުންގެ މިލްކިއްޔާތުވެސް އިތުރުވެފައިވެއެވެ. މި ލިސްޓުގެ ގަދަ 20 އަށް އެންމެ ގިނައިން ކުރިއެރުން ލިބުނުއިރު، 2023 ވަނަ އަހަރުން ފެށިގެން ޖުމްލަ މުދަލަށް 700 ބިލިއަން ޑޮލަރު އިތުރުވިއެވެ.

ޗައިނާގައި 473 ބިލިއަނަރުން ތިބިއިރު އިންޑިއާގައި 200 ބިލިއަނަރުން ތިއްބެވެ. މިއީ އެގައުމަށް ރެކޯޑު އަދަދެކެވެ.

އެމީހުންގެ މުއްސަނދިކަން ގުނާލުމަށް ފޯބްސް އިން ވަނީ 2024 ވަނަ އަހަރުގެ މާޗް މަހުގެ 8 ވަނަ ދުވަހުން ފެށިގެން ސްޓޮކްގެ އަގާއި އެކްސްޗޭންޖް ރޭޓް ބޭނުންކޮށްފަ އެވެ.

އެއް ވަނައިގައި އޮތީ ބާނާޑް އާނަލްޓް އާއި އޭނާގެ އާއިލާއެވެ. އޭނާގެ މުއްސަނދިކަން 233 ބިލިއަން ޑޮލަރަށް އަރައެވެ.  އާނޯލްޓަކީ ފްރާންސްގެ ލަގްޒަރީ ފެޝަން އަދި ކޮސްމެޓިކްސް ކޮންގްލޯމެރޭޓެއް ކަމަށްވާ އެލްވީއެމްއެޗްގެ ވެރިޔާ އެވެ.  އާންމުކޮށް މި އާއިލާ ހިމެނެނީ ފޯބްސްގެ ދުނިޔޭގެ އެންމެ މުއްސަނދި މީހުންގެ ލިސްޓުގެ ގަދަ ތިނެއްގަ އެވެ.

އެއް ޒަމާނެއްގައި ދުނިޔޭގެ އެންމެ މުއްސަނދި މީހާގެ މަގާމު ހޯދި އީލޮން މާސްކް އަކީ 195 ބިލިއަން ޑޮލަރުގެ މުއްސަނދިކަން ލިބިފައިވާ ލިސްޓުގެ 2 ވަނައެވެ.  ޓެސްލާ އާއި ސްޕޭސްއެކްސްގެ ބާނީ މަސްކް ވަނީ 2022 ވަނަ އަހަރު ޓްވިޓާގެ ނަން އެކްސް ބަދަލުކޮށް 44 މިލިއަން ޑޮލަރަށް ގަނެފަ އެވެ.

ސޯޝަލް މީޑިއާ ކުންފުނީގެ %74 މަސްކްގެ ހިއްސާ އޮންނަ ކަމަށް ލަފާކުރެވޭއިރު، މިހާރު އެ ކުންފުނީގެ އަގު އޭނާ ދެއްކި ފައިސާއަށްވުރެ ގާތްގަނޑަކަށް %70 ދަށް ކަމަށް ފޯބްސް އިން ލަފާކުރެއެވެ.  މިކަމާއި ޓެސްލާގެ އާމްދަނީ ދަށްވުން ފަދަ އެހެން ކަންތައްތަކުގެ ސަބަބުން ފާއިތުވި ދެ އަހަރު ތެރޭގައި އޭނާގެ މުއްސަނދިކަން 200 ބިލިއަން ޑޮލަރަށް ވުރެ ދަށަށް ގޮސްފައިވެއެވެ.

ތިން ވަނަ އަށް އަންނަނީ 195 ބިލިއަން ޑޮލަރުގެ މުއްސަނދިކަން ލިބިފައިވާ އެމެޒޯންގެ ފައުންޑަރު ޖެފް ބެޒޯސްއެވެ.  ދެން އަންނަނީ 177 ބިލިއަން ޑޮލަރުގެ އަގުހުރި ފޭސްބުކްގެ ބާނީ މާކް ޒުކަބާގް އެވެ.

ބިލިއަނަރުންގެ ލިސްޓުގައި ހިމެނޭ އެންމެ މުއްސަނދި އަންހެން މީހާ، ލިސްޓުގެ 15 ވަނައިގައި ހިމެނެނީ ލޮރިއަލްގެ ބާނީގެ ކާފަދަރިފުޅު ފްރާންސޯ ބެޓެންކޯޓް މެޔަރސް އެވެ. ދުނިޔޭގެ އެންމެ މުއްސަނދި އަންހެނާގެ ހައިސިއްޔަތުން އޭނާގެ މުދަލަކީ 99.5 ބިލިއަން ޑޮލަރެވެ.