އިސްރާއީލުގެ ވައިގެ ހަމަލާތަކުގައި މަރާލި ބޭރުގެ ހަ އެހީތެރިންގެ ހަށިގަނޑު ޣައްޒާއިން ބޭރަށް މިސްރަށް އެ މީހުންގެ ގައުމުތަކަށް ގެންދަން ދަތުރު ފެށީ ބުދަ ދުވަހު ކަމަށް މިސްރު ދައުލަތުގެ ޓީވީން ބުނެފިއެވެ.

މަރުވި އިނގިރޭސިވިލާތުގެ ތިން ރައްޔިތުންނާއި ޕޮލިޝް ރައްޔިތަކާއި އޮސްޓްރޭލިއާގެ ރައްޔިތަކާއި ކެނެޑާ އެމެރިކާ ޑައުއަލް ސިޓީޒަން ގެންގުޅުނު ރައްޔިތެއް މަސައްކަތް ކޮށްފައިވަނީ މަޝްހޫރު ޝެފް ހޯސޭ އަންޑްރެސް އުފެއްދި ބައިނަލްއަގްވާމީ ޗެރިޓީއެއް ކަމަށްވާ ވޯލްޑް ސެންޓްރަލް ކިޗަންގަ އެވެ.  އެމީހުންގެ ފަލަސްތީނުގެ ޑްރައިވަރު ވެސް މަރާލާފައިވާއިރު، އޭނާގެ ހަށިގަނޑު ޣައްޒާގައި ވަޅުލުމަށްޓަކައި އޭނާގެ އާއިލާއާ ހަވާލުކޮށްފައިވެ އެވެ.

އެ ހަތް މީހުން، އަލަށް ގާއިމްކުރި ކަނޑުގެ ކޮރިޑޯއަކުން ޣައްޒާއަށް ގެނައި ކާބޯތަކެތި ބަހަމުން ދިޔައިރު ހޯމަ ދުވަހުގެ ރޭ ދަންވަރު އިސްރާއީލުން ވަނީ އެމީހުންގެ ތިން އުޅަނދަށް އަމާޒުކޮށް ހަމަލާދީ އެތެރޭގައި ތިބި އެންމެން މަރާލާފައެވެ.

އެމެރިކާ ހިމެނޭ ގޮތަށް އިސްރާއީލުގެ އެންމެ ގާތް ބައެއް ގައުމުތަކުން ވަނީ ސަލާމަތީ ހާލަތު ގޯސްވެފައިވާ ކަމަށް ބުނެ މަރުތައް ކުށްވެރިކޮށްފަ އެވެ.

ކަނޑުގެ ކޮރިޑޯ ގާއިމްކުރުމުގައި މުހިންމު ދައުރެއް އަދާކޮށްފައިވާ ސައިޕްރަސް އިން ބުނީ ހޯމަ ދުވަހު އައި ބޯޓުތައް އެނބުރި މެޑިޓެރޭނިއަން ޖަޒީރާ ގައުމަށް އަންނަނީ ގާތްގަނޑަކަށް 240 ޓަނުގެ އެހީތެރިކަން ފޯރުކޮށްނުދީ ކަމަށެވެ.  އެކަމަކު ކަނޑުގެ ޑެލިވަރީތައް ކުރިއަށް ގެންދާނެ ކަމަށް ވެސް ބުނެފައިވެ އެވެ.

އިސްރާއީލުން ޣައްޒާއަށް ދިން ހަމަލާއަށް ބައިނަލްއަގްވާމީ ފާޑުކިޔުންތައް އިތުރުވަމުންދާއިރު، އިސްރާއީލަށް އެކަހެރިކަން އިތުރުވަމުންދެއެވެ.