ކެންޔާގައި ޑޭމެއް ފަޅައިގެން ގޮސް 40 އަށް ވުރެ ގިނަ މީހުން މަރުވެ، ފަނާކުރަނިވި އުދައެރުމުގައި މަރުވި މީހުންގެ އަދަދު 120 އަށް ވުރެ މައްޗަށް އަރައިފި އެވެ.

މިދިޔަ ހޯމަ ދުވަހު މައި މަހިއު ސަރަހައްދުގައި މީހުން މަރުވި ކަމަށް ރިޕޯޓްކޮށްފައިވާއިރު، ފަޅައިގެން ދިޔަ ޑޭމްގެ ފްލެޝް ފްލަޑްތަކުގެ ސަބަބުން އިތުރު ގެއްލުންތަކެއް ލިބިފައިވެ އެވެ.

ވިއްސާރައިގެ ސަބަބުން ހައިޑްރޯއިލެކްޓްރިކް ޑޭމްތަކުގެ ކެޕޭސިޓީ ފުރިފައިވާއިރު، ޑައުންސްޓްރީމްގައި ބޮޑު އޮވަރފްލޯއެއްގެ ބިރު އޮތް ކަމަށް ސަރުކާރުގެ ތަރުޖަމާނަކު އިންޒާރު ދެއްވި އެވެ.

މީގެ ކުރިން ހޯމަ ދުވަހު ކެންޔާ ރެޑްކްރޮސް އިން ބުނެފައިވަނީ ފްލެޝް ފްލަޑިންގ އާއި ގުޅިގެން އެ ސަރަހައްދުގެ އެތައް ބަޔަކު ސިއްހީ މަރުކަޒަކަށް ގެންގޮސްފައިވާ ކަމަށެވެ.