އަފްޣާނިސްތާނުގައި އޮސްޓްރޭލިއާގެ ހަނގުރާމައިގެ ޖަރީމާތަކުގެ ތުހުމަތުތައް ފަޅާއަރުވަން އެހީތެރިވި ވިސްލްބްލޯވަރެއްގެ މައްޗަށް ފަސް އަހަރާއި އަށް މަސް ދުވަހުގެ ޖަލު ހުކުމެއް އިއްވައިފިއެވެ.

ޑޭވިޑް މެކްބްރައިޑް ވަނީ މިދިޔަ އަހަރުގެ ޝަރީއަތުގެ ކުރިން އަސްކަރީ ސިއްރުތައް ވަގަށް ނަގައި ހިއްސާކުރުމުގެ ކުށަށް އިއުތިރާފުވެފައެވެ.

ކުރީގެ އަސްކަރީ ވަކީލެއް ކަމަށްވާ މެކްބްރައިޑް ބުނީ ހަގީގަތް ހާމަކުރުމަކީ އަޚްލާގީ ވާޖިބެއް ކަމަށް އިހުސާސް ކުރެވުނު ކަމަށެވެ.

އޭނާ ފަޅާ އަރުވާލި ލީކުތަކާ ގުޅިގެން ފަހުން ކުރިއަށް ގެންދިޔަ މުހިންމު ތަހުގީގެއްގައި އޮސްޓްރޭލިއާގެ ސިފައިން ހަނގުރާމައިގެ ތެރޭގައި އަފްޣާނިސްތާނުގެ 39 މީހަކު ގާނޫނާ ހިލާފަށް މަރާލާފައިވާ ކަމުގެ ހެކިތައް ފެނިފައިވެއެވެ.

މެކްބްރައިޑް އަކީ އޭނާގެ ލީކުން ފަޅާއަރުވާލުމަށް އެހީތެރިވި ހަނގުރާމައިގެ ޖަރީމާތަކުގެ ތުހުމަތުތަކާ ގުޅިގެން އޮސްޓްރޭލިއާގައި ޖަލަށް ލާފައިވާ ފުރަތަމަ މީހާ އެވެ.

އުމުރުން 60 އަހަރުގެ ޖެކްސަން އޮސްޓްރޭލިއަން ބްރޯޑްކާސްޓިން ކޯޕަރޭޝަން (އޭބީސީ) އަށް ގިނަ އަދަދެއްގެ ލިޔެކިޔުންތައް ފޯރުކޮށްދިން ކަމަށް އެއްބަސްވެފައިވެއެވެ.

އޭނާ ފޯރުކޮށްދިން މައުލޫމާތަކީ 2017 ވަނަ އަހަރު އަފްޣާނިސްތާނުގައި އޮސްޓްރޭލިއާގެ އެލައިޓް ސްޕެޝަލް ފޯސްތަކުގެ އޮޕަރޭޝަންތަކާ ބެހޭ ގޮތުން ކުރިން ނުފެންނަ ވަރުގެ ތަފްސީލެއް ލިބިފައިވާ ދަ އަފްޣާން ފައިލްސްގެ ނަމުގައި ނެރުނު ސިލްސިލާ ރިޕޯޓްތަކެއްގެ މައްޗަށް ބިނާވެފައިވާ މައުލޫމާތެކެވެ.

ޕްރޮސެކިއުޓަރުން ބުނީ މެކްބްރައިޑް މޯޓިވޭޓް ކުރީ "ޕާސަނަލް ވިންޑިކޭޝަން" ކަމަށާއި، އޭނާ ލިޔެކިޔުންތައް އެއްކޮށް، ރައްކާކޮށް، ދެން ލީކް ކުރި ގޮތަކީ އޮސްޓްރޭލިއާގެ ގައުމީ ސަލާމަތާއި ޚާރިޖީ ސިޔާސަތަށް ނުރައްކާވާ ކަމެއް ކަމަށެވެ.

އެކަމަކު މެކްބްރައިޑްގެ ވަކީލުން ލުއި ދިނުމަށް އެދުނީ އޭނާ އެ މައުލޫމާތު ހިއްސާކުރީ "ޝަރަފުވެރި" ނިޔަތެއްގައި ކަމަށާއި އަމިއްލަ ވާޖިބެއްގެ ގޮތުން ކަމަށެވެ.

އުމުރުން 60 އަހަރުގެ މެކްބްރައިޑްގެ މައްޗަށް އަންގާރަ ދުވަހު ހުކުމް އިއްވަމުން ފަނޑިޔާރު ޑޭވިޑް މޮސޮޕް އެއްބަސްވީ މެކްބްރައިޑް އަކީ "ރަނގަޅު އަޚްލާޤެއްގެ" މީހެއް ނަމަވެސް އޭނާގެ އަމިއްލަ ޚިޔާލުތަކުގެ ޞައްޙަކަމަށް ގަބޫލުކުރާހެން ހީވާ ކަމަށެވެ.

ހުކުމް އިއްވުމުގެ ކުރިން މެކްބްރައިޑް ވިދާޅުވީ އޭނާގެ ލީކް ޖަސްޓިފައިޑް ކަމަށާއި އެއީ އެންމެ ފަހުން ގޯސް ކަންތައްތަކެއް ފަޅާއަރުވާފައިވާ ކަމެއް ކަމަށެވެ.

"އޮސްޓްރޭލިއާގެ ރައްޔިތުންނާއި އަހަރެމެން ސަލާމަތުން ބަހައްޓާ ސިފައިންނަށް ކުރި ހުވާ މުގުރާފައެއް ނުވޭ،" ސްޓެލާ އަސާންޖާއި އޭނާގެ އެކުވެރި ވިސްލްބްލޯވަރު ޖެފް މޮރިސް ހިމެނޭ ސަޕޯޓަރުންނާ މުހާތަބު ކުރައްވައި އޭނާ ވިދާޅުވިއެވެ.

އޭނާގެ މައްސަލައިގައި އޮސްޓްރޭލިއާގައި ހަލަބޮލިކަން އުފެދި، ބައެއް މީހުން ބުނާ ގޮތުގައި ވިސްލްބްލޯވަރ ޕްރޮޓެކްޝަންތައް ކުޑަކޮށް، އެގައުމުގެ ދިދަ ދަށުގައި އަދަބު ނުލިބި މަރާލި ކަމަށް ތުހުމަތު ކުރެވޭ ސިފައިންގެ މައްޗަށް ދައުވާ ކުރުމަށް މަޑުޖެހިފައިވެއެވެ.