ބޮޑުވަޒީރު ބެންޖަމިން ނަތަންޔާހޫ ހަނގުރާމަ ނިމުމަށް ފަހު ޕްލޭނެއް ޣައްޒާއަށް އަށް ކަނޑަނާޅައިފި ނަމަ އިސްތިއުފާ ދޭނެ ކަމުގެ އިންޒާރު އިސްރާއީލުގެ ހަނގުރާމައިގެ ކެބިނެޓް މިނިސްޓަރު ބެނީ ގަންޓްޒް ދީފިއެވެ.

  ގަންޓްޒް ވަނީ ޣައްޒާގައި ހަމާސްގެ ވެރިކަން ނިމުމަކަށް ގެނައުމާއި އެ ސަރަހައްދަށް މަލްޓިނޭޝަނަލް ސިވިލް އެޑްމިނިސްޓްރޭޝަނެއް ގާއިމްކުރުން ހިމެނޭ ގޮތަށް ހަ "ސްޓްރެޓެޖިކް ލަނޑުދަނޑިއެއް" ހާސިލް ކުރުމަށް ޕްލޭނެއް އެކުލަވާލުމަށް ޖޫން މަހުގެ 8 ވަނަ ދުވަހުގެ މުއްދަތެއް ކަނޑައަޅާފައެވެ.

"އަމިއްލަ މަސްލަހަތަށްވުރެ ގައުމުގެ މަސްލަހަތު ނެރޭނަމަ އަޅުގަނޑުމެން ވާނީ އެ މަސައްކަތުގައި ބައިވެރިންނަށް،" ގަންޓްޒް ބުންޏެވެ.  "އެކަމަކު ފޭނަޓިކްސްގެ މަގު އިޚްތިޔާރުކޮށް މުޅި ގައުމު ވަޅުގަނޑަށް ގެންދެވިއްޖެ ނަމަ އަޅުގަނޑުމެންނަށް މަޖުބޫރުވާނީ ސަރުކާރު ދޫކޮށްލަން."

ނަތަންޔާހޫ ވަނީ އޭނާގެ ހުށަހެޅުމަށް ދެކޮޅު ހަދާފަ އެވެ.

ހަނގުރާމައިގެ މިސްރާބާމެދު ސިޔާސީ ގޮތުން ނުތަނަވަސްކަން އުފެދިފައި މިވަނީ ޣައްޒާގެ ތާރީޚީ ރެފިއުޖީ ކޭމްޕްތަކުގެ ތެރޭގައި ހިމެނޭ ޣައްޒާ ސިޓީ ކައިރީގައި ވާ ޖަބަލިއާއަށް އިސްރާއީލު ސިފައިން ވަދެ، ހަމާސްގެ ހަނގުރާމަވެރިން އެތަނުން ނައްތާލާފައިވާ ކަމަށް އިސްރާއީލުގެ އަސްކަރިއްޔާއިން ކުރިން ބުނެފައިވާ ސަރަހައްދަކާ ގުޅިގެންނެވެ.

ގަންޓްޒް މިހެން ބުނެފައިވަނީ ހަނގުރާމައިގެ ކެބިނެޓްގެ އެހެން މެމްބަރެއް ކަމަށްވާ ޑިފެންސް މިނިސްޓަރު ޔޯވް ގަލަންޓް ނަތަންޔާހޫއަށް އިލްތިމާސް ކުރެއްވިތާ ދުވަސްކޮޅެއް ފަހުންނެވެ.

ގަލަންޓް ވިދާޅުވީ މަސްތަކެއް ވަންދެން ތަކުރާރުކޮށް އެ މައްސަލަ އުފުއްލަވާފައިވީ ނަމަވެސް އެއްވެސް ޖަވާބެއް ނުލިބޭ ކަމަށެވެ.

އޭނާ އާއި ގަންޓްޒް ބުނާ ގޮތުގައި ޣައްޒާގައި އަސްކަރީ ކޮންޓްރޯލް ދެމެހެއްޓުމަކީ އިސްރާއީލުގެ ސަލާމަތީ ނުރައްކާތައް އިތުރުވާނެ ކަމެއް ކަމަށާއި ސަރުކާރުގައި ނަތަންޔާހޫގެ ވެރިކަންކުރާ ކޯލިޝަންގެ އެންމެ ކަނާތުފިޔައިގެ މެމްބަރުން ހިމެނޭ ގޮތަށް އެހެން ބަޔަކު ގަބޫލުކުރާ ގޮތުގައި ހަމާސް ބަލިކުރުމަށްޓަކައި ކޮންޓްރޯލް ދެމިއޮތުން މުހިންމެވެ.

ހޮނިހިރު ދުވަހު ޓީވީން ދެއްކި ޚިޠާބުގައި ގަންޓްޒް ނަތަންޔާހޫއަށް ބުނެފައިވަނީ "އިސްރާއީލުގެ ރައްޔިތުން ތިބާއަށް ފާރަލަނީ" ކަމަށެވެ.

"ޒަޔަނިޒަމް އާއި ސިނިސިޒަމް އާއި ދެމެދު، އެއްބައިވަންތަކަމާއި ޖަމާއަތްތަކުގެ މެދުގައި، ޒިންމާދާރުކަމާއި ގާނޫނާ ހިލާފުކަމާ ދެމެދު، ކާމިޔާބީ އާއި މުސީބާތުގެ މެދުގައި އިޚްތިޔާރު ކުރަން ޖެހޭނެ،" އޭނާ ބުންޏެވެ.

އަދި އޭނާ ކަނޑައެޅުއްވި ހަ ސްޓްރެޓެޖިކް އަމާޒުގެ ތެރޭގައި ޣައްޒާގައި އަދިވެސް ހަމާސްއިން ހިފަހައްޓާފައިވާ ހުރިހާ އިސްރާއީލާއި ބޭރުގެ 'ރަހީނުން' އަނބުރާ ހޯދުމާއި ސެޕްޓެމްބަރު މަހުގެ އެއްވަނަ ދުވަހުގެ ނިޔަލަށް ގެދޮރު ގެއްލިފައިވާ ފަލަސްތީނުގެ އާންމުން އުތުރަށް ޣައްޒާއަށް އެނބުރި ދިއުމެވެ.

އަދި "އީރާނާއި އެކުވެރި ގައުމުތަކާ ދެކޮޅަށް މިނިވަން ދުނިޔެއާއި ހުޅަނގާއި އެކު އިއްތިހާދެއް އުފެއްދުމުގެ ފުރިހަމަ ޕްރޮސެސްއެއްގެ ތެރެއިން" ސައުދީ އަރަބިއްޔާއާ ގުޅުން އިއާދަ ކުރުމަށް އިސްރާއީލުން މަސައްކަތް ކުރަމުން ގެންދަން ޖެހޭ ކަމަށް ވެސް އޭނާ ބުންޏެވެ.

ތަގުރީރަށް ރައްދު ދެމުން ނަތަންޔާހޫ ބުނީ ގަންޓްޒްގެ ޑިމާންޑްތައް ފުއްދައިދިނުމަކީ "ހަނގުރާމަ ނިމުމަކަށް އައިސް އިސްރާއީލު ބަލިވެ، 'ރަހީނު'ކުރި ގިނަ މީހުން ދޫކޮށް، ހަމާސް ދޫވުމާއި ފަލަސްތީނުގެ ދައުލަތެއް ގާއިމްވާނެ" ކަމަށެވެ.

އިސްރާއީލުން ޣައްޒާގައި ހަމާސްއާ ދެކޮޅަށް ހިންގި އަސްކަރީ ކެމްޕޭނުގައި 35،386 މީހުން ޝަހީދުވެފައިވެއެވެ.