އެމެރިކާއިން ބުނާ ގޮތުގައި ރަޝިޔާއިން މިދިޔަ ހަފްތާގައި ސެޓެލައިޓެއް ފޮނުވާލި ކަމަށާއި އެ ސެޓެލައިޓަކީ އެފަދަ އެހެން ޕްރޯބްތަކަށް ހަމަލާ ދިނުމުގެ ގާބިލްކަން ހުރި ސެޓެލައިޓެއް ކަމަށް އެގައުމުން ގަބޫލުކުރާ ކަމަށެވެ.

"ރަޝިޔާއިން ދުނިޔޭގެ ލޯ އޯބިޓަށް ސެޓެލައިޓެއް ފޮނުވާލި އިރު، އެއީ ކައުންޓަރ ސްޕޭސް ހަތިޔާރެއް ކަމަށް ބެލެވޭ ކަމަށް އަޅުގަނޑުމެން ވަޒަންކުރާއިރު،" ޕެންޓަގަންގެ ތަރުޖަމާނު ބްރިގޭޑިއަރ ޖެނެރަލް ޕެޓް ރައިޑާ އަންގާރަ ދުވަހުގެ ހަވީރު ވިދާޅުވިއެވެ.

ރަޝިޔާގެ ސެޓެލައިޓް ދައުރު ކުރަނީ އެމެރިކާ ސަރުކާރުގެ ސެޓެލައިޓެއްގެ "އެއް އޯބިޓް" ގައި ކަމަށް ވިދާޅުވެ، ވޮޝިންޓަނުން ހާލަތު މޮނިޓަރ ކުރަމުން ގެންދާނެ ކަމަށާއި އެގައުމުގެ މަސްލަހަތު ހިމާޔަތް ކުރަން ތައްޔާރަށް ހުންނަން ޖެހޭ ކަމަށް ވެސް އޭނާ ވިދާޅުވިއެވެ.

މިމައްސަލާގައި ރަޝިޔާއިން އާންމުކޮށް އެއްވެސް އެއްޗެއް ބުނެފައެއް ނުވެއެވެ.

މޮސްކޯ އާއި ވޮޝިންޓަން - ދުނިޔޭގެ ވާދަވެރި ދެ ގައުމު - ފާއިތުވި ހަފްތާތަކުގައި އދ.ގައި ޖައްވީ ހަތިޔާރުގެ މައްސަލައިގައި ތަކުރާރުކޮށް ކުރިމަތިލާން ޖެހިފައިވާއިރު، ދެ ފަރާތުން ވެސް ވަނީ ޖައްވު އަސްކަރީ ކުރަން މަސައްކަތް ކުރާ ކަމަށް ތުހުމަތު ކޮށްފައެވެ.

މީގެ ކުރިން އަންގާރަ ދުވަހު ރަޝިޔާގެ ފޮރިން މިނިސްޓްރީގެ ތަރުޖަމާނު މާރިއާ ޒަޚަރޯވާ ވިދާޅުވީ އެމެރިކާއިން ބޭނުންވަނީ ޖައްވު "އަސްކަރީ ކުރިމަތިލުމުގެ މައިދާނަކަށް" ބަދަލުކުރުމަށެވެ.

ޓެކްނޮލޮޖީއަށް ބަރޯސާވެފައިވާ ދުނިޔޭގައި ޖައްވީ ހަނގުރާމައިގެ ދެން އޮތް ފްރޮންޓިއަރަކަށް ވުމަކީ އެކަށީގެންވާ ކަމެއް ކަމަށް ގިނަ އަދަދެއްގެ އަސްކަރީ ތަޖުރިބާކާރުން ގިނަ ދުވަސްތަކެއް ވަންދެން އިންޒާރު ދީފައިވެއެވެ.

އަންގާރަ ދުވަހު ޖެނެރަލް ރައިޑާ ވިދާޅުވީ ޕެންޓަގަން އިން ގަބޫލުކުރާ ގޮތުގައި ރަޝިޔާގެ ސެޓެލައިޓަކީ "ދުނިޔޭގެ ލޯ އޯބިޓްގައި ތިބި އެހެން ސެޓެލައިޓްތަކަށް ހަމަލާ ދިނުމުގެ ގާބިލްކަން ހުރި އެއްޗެއް ކަމަށް ބެލެވޭ" ކަމަށެވެ.

"ރަޝިޔާއިން މި އާ ކައުންޓަރ ސްޕޭސް ހަތިޔާރު ޑިޕްލޮއި ކުރީ އެމެރިކާ ސަރުކާރުގެ ސެޓެލައިޓަކާ އެއް އޯބިޓަކަށް."

"އަދި އެހެންކަމުން އެސެސްމަންޓްތަކުން އިތުރަށް ދައްކަނީ ކުރިން ޑިޕްލޮއި ކުރި ކައުންޓަރ ސްޕޭސް ޕޭލޯޑްތަކާ ވައްތަރު ސިފަތަކެއް، 2019 އާއި 2022 އިން ފެށިގެން."

"އަޅުގަނޑުމެންގެ ޒިންމާއަކީ، ޑޮމެއިން، ސްޕޭސް ޑޮމެއިން ރައްކާތެރިކޮށް ދިފާއު ކުރުމަށް ތައްޔާރަށް ތިބުމާއި، ޖޮއިންޓް އެންޑް ކޮމްބައިންޑް ފޯސްއަށް މެދުކެނޑުމެއްނެތި ސަޕޯޓް ދިނުން،" ޕެންޓަގަންގެ ތަރުޖަމާނު އިތުރަށް ވިދާޅުވިއެވެ.

ވަކިން ހާއްސަކޮށް އެމެރިކާގެ ސްޕޭސް ކޮމާންޑުގެ ތަރުޖަމާނަކު ރޮއިޓާސް ނޫސް އެޖެންސީއަށް ވިދާޅުވީ އެ ސެޓެލައިޓަކީ "ދުނިޔޭގެ ލޯ އޯބިޓްގައި ތިބި އެހެން ސެޓެލައިޓްތަކަށް ހަމަލާދޭނެ ކަމަށް ބެލެވޭ ކައުންޓަރ ސްޕޭސް ހަތިޔާރެއް ކަމަށް ބެލެވޭ" ކަމަށެވެ.

ތަރުޖަމާނު ވިދާޅުވީ ސެޓެލައިޓް - ކޮސްމޮސް 2576 - ފޮނުވާލީ މެއި މަހުގެ 16 ވަނަ ދުވަހު މޮސްކޯގެ އުތުރުން ގާތްގަނޑަކަށް 800 ކިލޯމީޓަރު (497 މޭލު) ދުރުގައި އޮންނަ ރަޝިޔާގެ ޕްލެސެޓްސްކް ކޮސްމޮޑްރޯމް އިން ކަމަށެވެ.

ރަޝިޔާގެ ރޮސްކޮސްމޯސް ސްޓޭޓް ސްޕޭސް އެޖެންސީން ނެރުނު ބަޔާނުގައި ބުނެފައި ވަނީ 17 މެއިގައި ލޯންޗު ކުރި ސެޓެލައިޓަކީ "ރަޝިޔާގެ ޑިފެންސް މިނިސްޓްރީގެ މަސްލަހަތަށް" ކުރި ކަމެއް ކަމަށެވެ. އެ ކުންފުނިން ބުނީ އެ ކުންފުނީގެ ލޯންޗް ވެހިކަލް ސޯޔޫޒް-2.1ބީ ބޭނުންކޮށްފައިވާ ކަމަށެވެ.

މޮސްކޯއިން ވެސް އަދި ވޮޝިންޓަނުން ވެސް އިތުރު ތަފްސީލެއް ނުދެ އެވެ.

އެކަމަކު ޖައްވީ ތަހުލީލު ކުރާ ފަރާތްތަކުން ބުނާ ގޮތުގައި ކޮސްމޮސް 2576 އޮތީ އެމެރިކާގެ ޔޫއެސްއޭ 314 ސެޓެލައިޓް އާއި އެއް އޯބިޓެއްގައި ކަމަށް ފެނެއެވެ.

2022 ވަނަ އަހަރުގެ ފެބްރުއަރީ މަހު ޔޫކްރޭނަށް އަރައިގަތުމަށްފަހު ރަޝިޔާއިން ވަނީ ޔޫކްރޭންގެ އަސްކަރިއްޔާއަށް އެހީތެރިވާ އެމެރިކާގެ ސެޓެލައިޓްތައް ޝަރުއީ އަމާޒަކަށް ވެދާނެ ކަމުގެ އިންޒާރު ދީފައެވެ.

ފެބްރުއަރީ މަހު ވައިޓް ހައުސް އިން ވަނީ ރަޝިޔާއިން "އުނދަގޫ" އާ ޖައްވީ ހަތިޔާރެއް އުފައްދަމުންދާ ކަމަށް އެއްބަސްވި ނަމަވެސް އަދި އެ ހަތިޔާރު ގާއިމް ނުކުރާ ކަމަށް ބުނެފަ އެވެ.

އެއީ ރިޕަބްލިކަން ޕާޓީގެ އިސް ކޮންގްރެސް މެމްބަރަކު ގައުމީ ސަލާމަތަށް ބޮޑު ނުރައްކަލެއް ކުރިމަތިވެފައިވާ ކަމަށް ސިއްރު އިންޒާރެއް ދިނުމުން ވޮޝިންޓަން ޑީސީގެ ވަށައިގެން ވަރުގަދަ އަޑުތަކެއް ފެތުރިގެން ދިޔަ ފަހުންނެވެ.

ވޮޝިންޓަން ޑީސީގައި ހުންނަ ސެންޓަރ ފޯ ސްޓްރެޓެޖިކް އެންޑް އިންޓަނޭޝަނަލް ސްޓަޑީޒް އިން މިދިޔަ އަހަރު ނެރުނު ރިޕޯޓެއްގައި ބުނެފައި ވަނީ ރަޝިޔާއިން އެންޓި ސެޓެލައިޓް (އޭއެސްއޭޓީ) ހަތިޔާރު އުފައްދަމުންދާ ކަމަށާއި އޭގެ ތެރޭގައި 2021 ވަނަ އަހަރުގެ ނޮވެމްބަރު މަހު ސޯވިއެޓް ޒަމާނުގެ ނެތިގެން ދިޔަ ސެޓެލައިޓަކާ ދެކޮޅަށް ކާމިޔާބުކަމާއެކު ޓެސްޓްކުރި މިސައިލެއް ހިމެނޭ ކަމަށެވެ.