މިދިޔަ ބުރާސްފަތި ދުވަހު ހާލުދެރަވެގެން މާލެ ނުގެެނެވި ލަސްވި ކުޑަކުއްޖާ މާލެ ގެނެސް ހޮސްޕިޓަލުގައި ފަރުވާދެމުން ދަނިކޮށް ނިޔާވެއްޖެއެވެ.
ގއ. ވިލިނގިލީގެ އެކުއްޖާ ނިޔާވެފައިވާކަން އެރަށުން މައުލޫމާތު ދިން މީހަކު ވަނީ ޔަގީންކޮށްދީފައެވެ.
ޗެނަލް 13 އަށް މައުލޫމާތު ލިބިފައިވާގޮތުގައި ނިޔާވި ކުޑަކުއްޖާ މާލެ ގެނެވުނީ ހާލުދެރަވެ، މާލެ ގެނައުމަށް އެދިފައިވާތާ 16 ގަޑިއިރު ފަހުންނެވެ.
ބައެއް ނޫސްތަކުން ރިޕޯޓްކޮށްފައިވާ ގޮތުން މާލެ ގެނެސް އެ ކުއްޖާއަށް ފަރުވާދިނީ އައިސީޔޫގައި ބާއްވައިގެންނެވެ. އަދި އެއިރު އެ ކުއްޖާ އޮތީ ކޯމާއެއްގައި ކަމަށް ވެސް މައުލޫމާތު ދިން ފަރާތްތަކުން ބުނެފައިވެއެވެ.
މައުލޫމާތު ލިބިފައިވާ ގޮތުގައި މާލެ ގެނެސް ފުރަތަމަ އޭނާ އަށް ފަރުވާދީފައިވަނީ އައިޖީއެމްއެޗްގައެވެ.
ގއ. ވިލިނގިލީގައި ހުންނަ ގއ. އަތޮޅު ހޮސްޕިޓަލުން އެކުއްޖާ މާލެ ގައުމުގެ އިންތިޒާމުތައް ހަމަނުޖެހި ލަސްވުމުގެ ސަބަބުން އެ ރަށު ރައްޔިތުން ވަނީ މިދިޔަ ބުރާސްފަތި ދުވަހު ހޮސްޕިޓަލު ކައިރީގައި މުޒާހަރާ ވެސް ކޮށްފައެވެ.
