ރައީސް ޔާމީން / ތޭރަ އޮންލައިން
ސިޔާސީ
ޝިއުނާއަށް ފަރުވާ ދިނުމުގައި ޓެލެމެޑިސިންގެ ޚިދުމަތް ބޭނުންނުކުރީ ކީއްވެބާ: ރައީސް ޔާމީން
Mariyam Isaadha
މަރިޔަމް އިސާދާ
09 ފެބްރުއަރީ 2025
މާލެ ސިޓީ

ގއ ވިލިނގިލިން ފަރުވާ ލިބުމުގައި ލަސްވުމުން ނިޔާވި ޝިއުނާއަށް ފަރުވާ ދިނުމުައި ޓެލެމެޑިސިންގެ ޚިދުމަތް ބޭނުންނުކުރީ ކީއްވެކަމާ މެދު ރައީސް އަބްދުﷲ ޔާމީން ސުވާލުއުފައްދަވައިފިއެވެ.

ރައީސް ޔާމީންގެ ސުވާލު އަމާޒުކުރެއްވީ އާދިއްތަ ދުވަހުގެރޭ ޕީއެންއެފުން ބޭއްވި ޖަލްސާގައި ވާހަކަފުޅު ދައްކަވަމުންނެވެ.

ރައީސް ޔާމީން ވިދާޅުވީ، ރާއްޖެ ގުދުރަތީ ގޮތުން އުފެދިފައި އޮތް ގޮތުން ބަލި މީހުންނަށް ފަރުވާ ދިނުމަށް އުނދަގޫތަކެއް ހުރި ނަމަވެސް ޓެލެމެޑިސިންގެ ޒަރީއާއިން މާލޭގެ ހޮސްޕިޓަލުތަކުގައި ތިބޭ ޑޮކްޓަރުންނާ މުއާމަލާތްކޮށް ބަލި މީހާއަށް ފަރުވާ ދިނުމުގައި ލަފާހޯދުމުގެ ފުރުސަތު އެމަނިކުފާނުގެ ޒައާމަތުގައި ތައާރަފްކޮށްދެއްވާފައިވާނެ ކަމަށާ ރާއްޖޭގެ ކޮންމެ ސަރަހައްދެއްގައި ހުރި ޑޮކްޓަރަކަށް ވެސް އެ ފުރުސަތު އޮންނައިރު ޝިއުނާގެ ހާލު ބޮޑުވެ ފަރުވާ ދޭން އުފެދުނު އުނދަގޫތަކުގައި ޓެލެމެޑިސިންގެ ބޭނުން ހިފާ ޝިއުނާއަށް ފަރުވާ ދިނުމަށް ވިލިނގިލީގެ ޑޮކްޓަރުން މަސައްކަތް ނުކުރި ސަބަބާމެދު ސުވާލު އުފެދޭ ކަމަށެވެ. އަދި މިހާރު އެ ނިޒާމު ނެތީތޯ ވެސް އައްސަވާ ރައީސް ޔާމީން ސުވާލުކުރައްވާފައެވެ.

އަޅުގަޑުގެ ޒައާމަތުގައި ތައާރަފްކުރި ޓެލެމެޑިސިން މިއަދު ނެތީތޯ ސުވާލު އުފެދޭ، ޝިއުނާއަށް ފަރުވާ ދިނުމަށް ޓެލެމެޑިސިންގެ ޒަރީއާއިން ކުރިއަށް ނުގެންދިޔަމަކީ ސުވާލު އުފެދޭ ކަމެއް.

- ަރައީސް ޔާމީން

ރައީސް ޔާމީން އިތުރަށް ވިދާޅުވީ، ސިއްހީ ނިޒާމުގައި ހުރި ދަތިތައް ފޮލުވުމުގެ ގޮތުން އެމަނިކުފާނުގެ ޒައާމަތުގައި 67 ސްޕެޝަލިސްޓު ޑޮކަޓަރުން ތަމްރިނުކޮށްދެއްވި ކަމަށާ ކުރި ހަމައެކަނި ޝަރުތަކީ ދިވެހިރާއްޖެއަށް ޚިދުމަތްކޮށްދިނުން ނަމަވެސް އެ ޑޮކްޓަރުންނާ އެކު އެކުއޮތް ބޮންޑު އެމްޑީޕީ ސަރުކާރު އައިސް އުވާލުމާއެކު އެ ޑޮކްޓަރުން ސަރުކާރަށް ގެއްލި ޕްރައިވެޓު ސެކްޓަރއަށް އެ ފަންނީ ޑޮކްޓަރުން ގޮސް ހުސްވީ ކަމަށެވެ.

ރައީސް ޔާމީން ވިދާޅުވި ސިއްހީ ނިޒާމު މިއަދު އޮޔާދާން ދިމާވާ އެއް ސަބަބަކީ މި ސަރުކާރުގައި ވުޒާރާތައްވެސް ހިންގަން ޖެހެނީ ރައީސުލްޖުމްހޫރިއްޔާގެ ސީދާ އިރުޝާދުގެ ދަށުން ކަމަށް ވުމުން ސިއްހީ ވުޒާރާގައިވެސް ކުރިން ކުރިން ހުންނެވި ވަޒީރަކު ހުންނެވި ނަމަވެސް އެ ނުފޫޒު އޮތުމުން ކަމަށެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved