ރައީސް އަބްދުﷲ ޔާމީން އަލަށް އުފައްދަަވަން މަސައްކަތްޕުޅު ކުރައްވަމުން ގެންދަވާ އައު ޕާޓީ ރަޖިސްޓްރީ ނުވިނަމަވެސް އެ ޕާޓީގެ ނަމުގައި މަޖިލިސް އިންތިހާބުގައި ވާދަކުރުމުގެ ފުރުސަތު ދެއްވުމަށް އެދިވަޑައިގެންފިއެވެ.

މކަމަށް އެދިފައިވަނީ، މަޖިލިސް އިންތިހާބު ރޯދަ މަހު ބާއްވާތީ އެކަމުގެ ކަންބޮޑުވުމާއެކު އިލެކްޝަން ކޮމިޝަންއަށް ރައީސް ޔަމީންގެ ފަރާތްޕުޅުން ވަޑައިގެންެވި ވަފްދުންނެވެ.

އީސީއަށް ވަޑައިގެންނެވުމަށް ފަހު މީޑިޔާތަކާ މައުލޫމާތު ހިއްސާ ކުރައްވަމުން އެ ވަފްދުގެ އިސް ބޭފުޅެއްކަމަށްވާ މުހައްމަދު މަލީހު ޖަމާލު ވިދާޅުވީ، ބުރާސްފަތި ދުވަހު އީސީއަށް ވަޑައިގެންެވީ ދެ ކަމެއްގެ ކަންބޮޑުވުމާއެކު ކަމަށާ އެއް ކަމަކީ މަޖިލިސް އިންތިހާބު ރޯދަ މަހާ ދިމާކޮށް ބާއްވާތީ އެކަމުގައި ހުރި ދަތިތަކާ އަދި ކަންބޮޑުވުންތައް ހިއްސާ ކުރުމަސް ކަމަށެވެ.

ދެވަނަ ކަމެއްގެ ގޮތުގައ މަލީހު ފާހަގަކުރެއްވީ ރައީސް ޔާމީންގެ ފަރާތްޕުޅުން އުފައްދަވާ ޕާޓީ ރަޖިސްޓްރީ ނުވި ނަމަވެސް އެ ޕާޓިގެ ނަމުގައު މަޖިލިސް އިންތިހާބުގައި ވާދަކުރުމުގެ ފުރުސަތު ހޯދުމަށް ކަމަށެވެ.

އެގޮތުން ރައީސް ޔާމީންގެ ފަރާތްޕުޅުން ވަނީ އެމަނިކުފާނުގެ ޝަރީއަތް ނިމެންދެން ޕީއެންއެފް ރަޖިސްޓްރީ ކުރުމަށް މެންބަޝިޕް ފޯމުތައް ހުށަހެޅުން ފަސްކޮށްފައި ނަމަވެސް އެ ޕާޓީގެ ނަމުގައި މަޖިލިސް އިންތިހާބުގައި ވާދަކުރެވޭނެ ފުރުސަތު ތަނަވަސްކޮށް ދިނުމަށް އެދިފައެވެ.

ޕާޓީގެ ނަމާއި ލޯގޯ ވޯޓު ކަރުދާސްކޮޅުގައި ހިމެނުމަށް އެދެނީ އެއީ ރައީސް ޔާމީންގެ ކެންޑިޑޭޓުންނަށް ވޯޓުލައްވާ ބޭފުޅުންނަށް ފަސޭހައަކަށްވާނެ ކަމަށް ފެންނާތީ ކަމަށްވެސް މަލީހުވަނީ ވިދާޅުވެފައެވެ.

މަޖިލިސް އިންތިހާޞު ރޯދަ މަހު ބޭއްވުމަށް ހަމަޖެހިފައިވާ އިރު ރައީސް ޔާމީންގެ ތާއީދާއެކު ގިނަ އަދަދެއްގެ ބޭފުޅުން މަޖިލިޙަށް ވަދަކުރައްވައެވެ. ނަމަވެސް އެންމެ ބޮޑު ޗެލެންޖަކަށްވަނީ ރައީސް ޔާމީންއަށް އެ ބޭފުޅުންނާ އެކު ކެމްޕެއިނަށް ނުކުމެވަޑައިނުގެންނެވޭ ނުގެންނެވުން ކަމަށް ފްރޮންޓު އޮފީހުންވަނީ ކުރިން ވެސް ހާމަކޮށްފައެވެ.