ރ. އުނގޫފާރުގައި މަގުބައްތި ހޮޅިދަނޑިއަކުން ކަރަންޓުގައި ޖެހުނު ޒުވާނާ މިއަދު ނިޔާވެއްޖެއެވެ.

އައިސީޔޫގައި ފަރުވާދެމުން ދަނިކޮށް ނިޔާވީ ރ. އުނގޫފާރު، ދޫނިހުރާ، ހުސައިން އަތީކް 18 އ، އެވެ.

އޭނާއަށް ވަނީ އުނގޫފާރު ރީޖަނަލް ހޮސްޕިޓަލުގެ އައިސީޔޫގައި ފަރުވާދިނުމަށްމަށްފަހު އިތުރުފަރުވާއަށް މާލެ ގެނެސްފައެވެ.

އިތުރު ފަރުވާއަށް އޭނާ މާލެ ގެނެވިފައި ވަނީ މޭ 25 ވަނަ ދުވަހުއެވެ.

މި ޒުވާނާ ކަރަންޓުގައި ޖެހުނީ ހޮޅިދަނޑި ކައިރީގައި ވާރޭވެހިގެން ހެދިފައި އޮތް ފެންގަނޑުގައި ކުޅެން ތިބި ދެ ކުދިން ސަލާމަތް ކުރަން އުޅުމުގެ ތެރޭގަ އެވެ

މި ހާދިސާ ހިނގާފައި ވަނީ މޭ މަހުގެ 23 ވަނަ ދުވަހުއެވެ.

އަތީކްގެ ކަށުނަމާދުގެ މައުލޫމާތު އަދި ހާމަކޮށްފައިއެއް ނުވެއެވެ.