ފަރަންސޭސި ވިލާތުގެ ގާނޫނު ހަދާ މަޖިލީހުގެ ތިރިގެ ރައީސް އިމަނުއެލް މެކްރޮން އުވާލެއްވީ، ކުރިއަށް އޮތް ހަފުތާތަކުގައި ވޯޓުލާ މީހުން އަނބުރާ އިންތިހާބަށް ފޮނުއްވައި، ޔޫރަޕުގެ އިންތިޚާބުގައި ކަނާތު ފިޔައިގެ މީހުން އެމަނިކުފާނުގެ ޕާޓީ ބަލިކުރުމާ ގުޅިގެންނެވެ.
ގާނޫނު ހަދާ މަޖިލީހުގެ އިންތިހާބު އޮންނާނީ ޖޫން 30 އާއި ޖުލައި 7 ގައި ދެ ބުރަކަށް ބަހާލައިގެންނެވެ.
ފަރަންސޭސިވިލާތުން މިކަން ހާމަކޮށްފައި މިވަނީ ޔޫރަޕިއަން ޔޫނިއަންގެ ޕާލަމެންޓް އިންތިޚާބުގައި ކަނާތު ފިޔައިގެ ނޭޝަނަލް ރެލީ ޕާޓީ އަށް ބޮޑު ކުރިއެރުމެއް ލިބި، މެކްރޮންގެ ޔޫރަޕަށް ތާއީދުކުރާ ސެންޓްރިސްޓުންނަށް ބޮޑު ގެއްލުމެއް ލިބުމާ ގުޅިގެން ކަމަށް ފްރާންސްގެ ޚިޔާލު ހޯދުމުގެ ޕޯލް އިންސްޓިޓިއުޓްތަކުން ބުނެއެވެ.
މެރިން ލެ ޕެންގެ އެންޓި އިމިގްރޭޝަން، ނޭޝަނަލިސްޓް ޕާޓީއަށް ގާތްގަނޑަކަށް %31-32 ވޯޓު ލިބުނު ކަމަށް ލަފާކުރެވުނުއިރު، މިއީ ގާތްގަނޑަކަށް %15 އަށް އަރާނެ ކަމަށް ލަފާކުރެވުނު މެކްރޮންގެ ރެނެސަންސް ޕާޓީގެ ހިއްސާގެ ދެގުނައަށް ވުރެ ބޮޑު ތާރީހީ ނަތީޖާއެކެވެ.
މެކްރޮން އަކީ އީޔޫގެ އިންތިހާބުގައި ކެނޑިޑޭޓެއް ނޫނެވެ. އަދި ރައީސްކަމުގެ ދައުރުގައި މެކްރޮން އަށް އިތުރު ތިން އަހަރު އެބައޮތެވެ.
