ދާދި ފަހުން ރައީސް ޖޯ ބައިޑަން ހާމަކުރެއްވި ޣައްޒާގެ ސުލްހައިގެ އެއްބަސްވުމުގެ ޑްރާފްޓަކަށް ސަރަހައްދީ ތާއީދު ހޯދުމަށް މަސައްކަތް ކުރެއްވުމަށް އެމެރިކާގެ ޚާރިޖީ ވަޒީރު އެންޓޯނީ ބްލިންކެން ވަނީ މިސްރަށް ވަޑައިގެންފައެވެ.

މިއީ އެމެރިކާގެ އެންމެ އިސް ޑިޕްލޮމެޓް ޣައްޒާގައި ހަނގުރާމަ ފެށުނު ފަހުން މެދުއިރުމައްޗަށް ކުރައްވާ އަށް ވަނަ ދަތުރުފުޅެވެ.

މިސްރުގެ ރައީސް އަބްދުލް ފައްތާހު އަލް ސީސީއާ އެކު ބޭއްވި ބައްދަލުވުމަކަށް ފަހު ބްލިންކެން ވިދާޅުވީ އޭނާގެ މެސެޖަކީ "ހަނގުރާމަ ހުއްޓާލަން ބޭނުންނަމަ ހަމާސް ލައްވާ އާނއެކޭ ބުނުވުން" ކަމަށެވެ.

އިޒްރޭލުގެ ބޮޑުވަޒީރު ބެންޖަމިން ނަތަންޔާހޫއާ އެކު ހޯމަ ދުވަހުގެ ފަހުކޮޅު ބްލިންކަން ގުދުސްގައި މަޝްވަރާ ކުރައްވާނެއެވެ.

މި ސަރަހައްދުގެ މެދުވެރިން، ގަތަރު ވެސް ހިމެނޭ ހެން އިސްރާއީލާއި ހަމާސްއާ ދެމެދު ހަނގުރާމަ ހުއްޓާލުމަށް މަޝްވަރާ ކުރަން މަސައްކަތް ކުރަމުން އަންނަތާ މަސްތަކެއް ވެއްޖެއެވެ.

ނަތަންޔާހޫ ވަނީ ހަމާސްގެ އަސްކަރީ އަދި ވެރިކަން ކުރުމުގެ ގާބިލްކަން ނައްތާލައި، ހައްޔަރުކޮށްފައިވާ ހުރިހާ މީހުން ދޫކޮށްނުލާހާ ހިނދަކު އެފަދަ އެއްވެސް އެއްބަސްވުމަކާ ދެކޮޅު ހަދާނެ ކަމަށް ވައުދުވެފައެވެ.

ހޮނިހިރު ދުވަހު ވަޔާ، އެއްގަމާ ކަނޑުގެ ހަމަލާތަކާއެކު އިސްރާއީލުގެ ސިފައިން ވަނީ ނުސައިރާތު ރެފިއުޖީ ކޭމްޕު ވަށައިގެން ހަމާސްއާ ދެކޮޅަށް ވަރުގަދަ ހަމަލާތަކެއް ބަދަލުކުރުމަށް ފަހު އިތުރު ހަތަރު  އިސްރާއީލުގެ އަސީރުން މިނިވަން ކޮށްފައެވެ. އަދި މިހަމަލާތަކުގައި އެތައް އަސީރުން ނެއް މަރުވެފައިވެސް ވެއެވެ.

އިސްރާއީލުން ދިން ހަމަލާތަކުގައި ކުޑަކުދިންނާއި އެހެނިހެން އާންމުން ހިމެނޭ ގޮތަށް 274 މީހުން ޝަހީދުވެފައިވެއެވެ.  އިސްރާއީލުން ބުނާ ގޮތުގައި މި އޮޕަރޭޝަންގައި މަރުވެފައިވަނީ 100 އަށް ވުރެ މަދު މީހުންނެވެ.

ހަމަލާއަށް ފަހު ހަމާސްގެ ސިޔާސީ ލީޑަރު ވަނީ ފަލަސްތީނުގެ ރައްޔިތުންނަށް އަމާންކަން ހޯދައިދީފައި ނޫނީ ހަނގުރާމަ ހުއްޓާލުމުގެ އެއްބަސްވުމަކަށް އެ ޖަމާއަތުން އެއްބަހެއް ނުވާނެ ކަމަށް ވިދާޅުވެފައެވެ.