ދެކުނު ކޮރެއާގެ އަސްކަރިއްޔާއިން އަންގާރަ ދުވަހު ބުނީ އުތުރު ކޮރެއާގެ ސިފައިން މިހަފްތާގެ ކުރީކޮޅު ބޯޑަރު ސަރަހައްދުތަކާ ޚިލާފުވުމާ ގުޅިގެން ދެކުނު ކޮރެއާސިފައިން އިންޒާރުގެ ހަމަލާތަކެއް ދީފައިވާ ކަމަށެވެ.

ކޮރެއާގެ ޑިމިލިޓަރައިޒްޑް ޒޯން ބޯޑަރު ސަރަހައްދުގައި ލޭ އޮހޮރުވުމާއި ހަމަނުޖެހުންތައް ދޭތެރެދޭތެރެއިން ހިނގައެވެ. އާދީއްތަ ދުވަހު ހިނގި މި ހާދިސާ ހިނގާފައި ވަނީ ދެ ކޮރެއާގެ މެދުގައި ނުތަނަވަސްކަން އުފެދިފައިވާ ދަނޑިވަޅެއްގައި ކަމަށް އޮބްޒާވަރުން ބުނަމުން އަންނައިރު، އޮބްޒާވަރުން ބުނަނީ އުތުރު ކޮރެއާއިން ބޯޑަރު ސަރަހައްދަށް ވަދެ ގަސްދުގައި ހަމަލާ ދީފައި ނުވާ ކަމަށް ދެކުނު ކޮރެއާއިން ގަބޫލުކުރާތީ އަދި އުތުރު ކޮރެއާއިން ވެސް ރައްދު ދީފައި ނުވާތީ، މިއީ ދެކޮޅުވެރިކަން އުފެދޭ އެހެން ވަސީލަތަކަށް ވެގެން ނުދާނެ ކަމަށެވެ.

ސައުތު ކޮރެއާގެ ޖޮއިންޓް ޗީފްސް އޮފް ސްޓާފް ވިދާޅުވީ އާދީއްތަ ދުވަހުގެ މެންދުރު 12:30 ހާއިރު ބޯޑަރުގެ އުތުރު ފަރާތުގައި މަސައްކަތުގައި އުޅުނު އުތުރު ކޮރެއާގެ ބައެއް ސިފައިން ވަނީ ދެ ގައުމު ބައިބައިކުރާ އަސްކަރީ ޑިމާކްޝަން ލައިން ހުރަސްކޮށްފައި ކަމަށެވެ.

ކޮންސްޓްރަކްޝަން މަސައްކަތުގައި ތިބި އުތުރު ކޮރެއާގެ ސިފައިންނަށް ދެކުނު ކޮރެއާގެ އަސްކަރިއްޔާއިން އިންޒާރުގެ ހަމަލާތައް ދީ، އިންޒާރުގެ ބްރޯޑްކާސްޓްތައް ދިނުމުން އުތުރު ކޮރެއާގެ ސިފައިން ވަގުތުން އެމީހުންގެ ސަރަހައްދަށް އެނބުރި ދިޔަ ކަމަށް ޖޮއިންޓް ޗީފްސް އޮފް ސްޓާފް ވިދާޅުވި އެވެ. އަދި އުތުރު ކޮރެއާއިން ޝައްކު ކުރެވޭ އިތުރު އެއްވެސް ހަރަކާތެއް ހިންގާފައި ނުވާ ކަމަށްވެސް ބުންޏެވެ.

ޖޮއިންޓް ޗީފް އޮފް ސްޓާފްގެ ތަރުޖަމާނު ލީ ސުންގް ޖޫން ނޫސްވެރިންނާ ވާހަކަ ދައްކަވަމުން ބުނެފައިވަނީ ދެކުނު ކޮރެއާގެ އަސްކަރިއްޔާއިން ވަޒަންކޮށްފައިވާ ގޮތުގައި އުތުރު ކޮރެއާގެ ސިފައިން ގަސްތުގައި ބޯޑަރު ހުރަސްކުރި ކަމަށް ނުފެނުނީ އެތަނަކީ ގަސްގަހާގެހި ގިނަ ސަރަހައްދަކަށް ވާތީ ކަމަށެއެވެ.

ދެކުނު ކޮރެއާގެ މީޑިއާ ރިޕޯޓްތައް ބުނާ ގޮތުގައި އުތުރު ކޮރެއާގެ ގާތްގަނޑަކަށް 20-30 ސިފައިން ދެކުނު ކޮރެއާގެ ސަރަހައްދަށް ވަދެފައިވަނީ ގާތްގަނޑަކަށް 50 މީޓަރު (165 ފޫޓު) ދުރުމިނަށެވެ. ރިޕޯޓްތަކުގައި ބުނެފައިވަނީ އުތުރު ކޮރެއާ ސިފައިންގެ ތެރެއިން ގިނަ މީހުން ގެންގުޅުނީ އުދައްޔާއި އެހެނިހެން އިމާރާތް ކުރުމުގެ އާލާތްތައް ކަމަށެވެ.

248 ކިލޯމީޓަރު (155 މޭލު) -ދިގު، 4 ކިލޯމީޓަރު (2.5 މޭލު) - ފުޅާ ޑީއެމްޒެޑަކީ ދުނިޔޭގެ އެންމެ ގަދަޔަށް ހަތިޔާރާ އެކު ބަލަހައްޓާ ބޯޑަރެވެ. ލަފާކުރެވޭ ގޮތުގައި 2 މިލިއަން މައިން ބޯޑަރުގެ އެތެރެއާއި ކައިރީގައި ވަޅުލާފައިވެއެވެ. އަދި ބޯޑަރުގައި ވަޔަރ ފެންސްތަކާއި ޓޭންކް ޓްރެޕްތަކާއި ދެފަރާތުގެ ހަނގުރާމަވެރި ސިފައިން ތިބެއެވެ.

ހުކުރު ދުވަހު ދެކުނު ކޮރެއާއިން ވަނީ ބޯޑަރު ހުރަސްކޮށް ކުނި އުފުލާ ފުއްޕާހަންތައް އުތުރުން ދާދި ފަހުން ފޮނުވާލުމާ ގުޅިގެން ލައުޑްސްޕީކަރުން ޕިއޮންގްޔަންގްއާ ދެކޮޅު ޕްރޮޕެގެންޑާ ބްރޯޑްކާސްޓްތައް އަލުން ފަށާފަ އެވެ. ދެކުނު ކޮރެއާއިން ބުނީ އެކަމުގެ ރައްދުގެ ގޮތުން އުތުރު ކޮރެއާއިން ބޯޑަރުގައި ލައުޑްސްޕީކަރުތައް ހަރުކޮށްފައިވީ ނަމަވެސް އަދި އެ ލައުޑްސްޕީކަރުތައް ޖައްސާފައި ނުވާ ކަމަށެވެ.