އިޒްރާއީލާ ދެކޮޅަށް ވަހަކަ ދައްކަން ޕީއެންސީގެ ސުޕަރ މެޖޯރިޓިއަށް ނުކެރޭ މަންޒަރު ދަނީ ފެންނަމުންކަމަށް ހިތަދޫ ދެކުނު ދާއިރާގެ މަޖިލިސް މެމްބަރު އިބްރާހިމު ނާޒިލް ވިދާޅުވެއްޖެއެވެ.

ރައްޔިތުންގެ މަޖިލީހުގެ މި އަހަރުގެ ފުރަތަމަ ދައުރުގެ ހަތަރު ވަނަ ޖަލްސާގައި، ގަލޮޅު ދެކުނު ދާއިރާގެ މެމްބަރު މީކާއިލް ނަސީމް ހުށަހަޅުއްވާފައި އޮތް ދިވެހިރާއްޖޭގެ އިމިގްރޭޝަންގެ ގާނޫނަށް އިސާލާހު ގެނަުއމުގެ ބިލަށް ބަހުސް ކުރައްވަމުން ނާޒިލް ވިދާޅުވީ، ފެނިގެން ދަނި ބަހުސް ކުރުމަށް ފުރުސަތަކަށް އެދުމަށް ފަހުވެސް، ޕިއެންސީގެ ބައެއް މެމްބަރުންގެ ފޯނުތަކަށް އަންނަ މެސެޖަކުން އެ ފުރުސަތު ކެންސަލްކޮށްލާ މަންޒަރު ކަމަށެވެ.

މީގެ ކުރިން ދީނޭ މިއްލަތޭ ކިޔާ އަޑުގަދަކުރި ވެރިއެއްގެ ޕާޓީގެ ސުޕަރ މެޖޯރިޓީއިން މިހާރު އެކަމާ އެއްކޮޅަށް މަސައްކަތެއް ކުރަން އޮތް އިރު އެއްބާރުލުން ނުދީ ދަނީ ފަހަތު ފަޔަށް ބުރަވަމުން ކަމަށްވެސް ނާޒިލް ވަނީ ވިދާޅުވެފައެވެ.

ނާޒިލް ވަނީ ސަރުކަރަށަ ޕީއެންސީގެ ސުޕަރ މެޖޯރިޓިއަށްވެސް ވަރަށް ބޮޑަށް ފާޑު ވިދާޅުވެފައެވެ. ނާޒިލް ވިދާޅުވީ ފަލަސްތީނުގެ ހައްގުގައި ކަމަށްބުނެ ބޮލާ ފޮށާ އަޅައިގެން އުޅުނު މީހުންވެސް ފެނުނު ކަމަށާ މިއަދު އެމީހުންވެސް މަޖިލީހުގައި ތިބީ ހަނު ކަމަށެވެ.