އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ޣައްޒާގައި ހިނގަމުންދާ ހަނގުރާމަ ކުރިއަށް ގެންދިއުމަށް ހަވާލުކޮށްފައިވާ ނުފޫޒުގަދަ ހަނގުރާމައިގެ ކެބިނެޓް އުވާލާފައިވާ ކަމަށް އިޒްރޭލުގެ އޮފިޝަލުން ބުނެފިއެވެ.

މި ފިޔަވަޅު އަޅާނެ ކަމަށް ގިނަ ބަޔަކު ކުރިން ލަފާކުރީ މި މަހުގެ ކުރީކޮޅު ކުރީގެ އަސްކަރީ ވެރިޔާ ބެނީ ގަންޓްޒް ވަކިވުމާ ގުޅިގެންނެވެ.

ގަންޓްޒް ސަރުކާރުގައި ނެތުމުން ނަތަންޔާހޫ ވެރިކަން ކުރުމަށް އޭނާގެ އަލްޓްރާނޭޝަނަލިސްޓް އެކުވެރިންނަށް އިތުރަށް ބަރޯސާވާން ވަނީ މަޖުބޫރުވެފައެވެ.

އިސްރާއީލުގެ އޮފިޝަލުން ބުނީ ކުރިއަށް އޮތްތަނުގައި ނަތަންޔާހޫ ހަނގުރާމައާ ގުޅޭ ނާޒުކު މައްސަލަތަކަށް ސަރުކާރުގެ ބައެއް މެމްބަރުންނާ އެކު ކުދި ފޯރަމްތައް ބާއްވާނެ ކަމަށެވެ. އެއީ ހަނގުރާމަ ހުއްޓާލުމުގެ އެއްބަސްވުންތަކާ ދެކޮޅު ހަދައި، ޣައްޒާ އަލުން ހިފުމަށް ތާއީދުކުރާ އަޑު އުފުލާފައިވާ އެންމެ ކަނާތުފިޔައިގެ ގަވަރނިން ޕާޓްނަރު މެމްބަރުންގެ ގޮތުގައި ތިބި އޭނާގެ ސަލާމަތީ ކެބިނެޓެވެ.

ހަނގުރާމައިގެ ކުރީކޮޅު ހަނގުރާމައިގެ ކެބިނެޓް އުފެއްދިއިރު، އޭރު އިދިކޮޅު ޕާޓީގެ ލީޑަރެއް އަދި ނަތަންޔާހޫގެ ވާދަވެރިއެއް ކަމަށްވާ ގަންޓްޒް ވަނީ އޮކްޓޯބަރު ހަތް ވަނަ ދުވަހު އިސްރާއީލުގެ ދެކުނަށް ދިން ހަމަލާއާ ގުޅިގެން އެއްބައިވަންތަކަން ދައްކާލުމަށް ހަނގުރާމައިގެ ކެބިނެޓްގައި ބައިވެރިވެފައެވެ. އޭނާ ވަނީ ނަތަންޔާހޫގެ ސަރުކާރުގެ އެންމެ ކަނާތު ފިޔައިގެ މެންބަރުން އެއްފަރާތް ކުރުމުގެ ގޮތުން، ހަނގުރާމަ ކުރިއަށް ގެންދިއުމަށް ނިންމުންތައް ނިންމާ ކުޑަ ޖަމާއަތަކަށް ޑިމާންޑް ކޮށްފައެވެ.

ހަނގުރާމައިގެ ކެބިނެޓްގައި ހިމެނެނީ ގަންޓްޒް، ނަތަންޔާހޫ އަދި ޑިފެންސް މިނިސްޓަރު ޔޯވް ގަލަންޓްއެވެ.

ހަނގުރާމަވެރި ކެބިނެޓް އުވާލުމަށް މި ފިޔަވަޅު އަޅާފައިވަނީ އިސްރާއީލަށް އިތުރު މުހިންމު ނިންމުންތަކެއް ކުރިމަތިވެފައިވާ ދަނޑިވަޅެއްގައެވެ.