އީރާނުގެ ރިޔާސީ އިންތިޚާބުގައި ބައިވެރި އެއްވެސް ކެންޑިޑޭޓަކަށް އަޣުލަބިއްޔަތު ނުލިބުމުން އެންމެ ގިނަ ވޯޓު ލިބުނު ދެ ކެނޑިޑޭޓުންގެ މެދުގައި ދެވަނަ ބުރުގެ ވޯޓު ލުމަށް ދާން ޖެހިއްޖެއެވެ.
ވޯޓުލާ މީހުންގެ 60% މީހުން ވޯޓުލި މި އިންތިޚާބަކީ އީރާނުގެ ރިޔާސީ އިންތިޚާބެއްގައި އެންމެ މަދުން ވޯޓުލި ފަހަރެވެ.
ކުރިމަތިލި ކެންޑިޑޭޓުންގެ ތެރެއިން އެންމެ ގިނަ ވޯޓު ލިބުނީ މައްސޫދު ޕެޒެޝްކިއަންއަށެވެ. ދެވަނައަށް އެންމެ ގިނަ ވޯޓު ލިބުނީ ސައީދު ޖަލީލީ އަށެވެ.
ހުކުރު ދުވަހުގެ އިންތިހާބުގައި ލިބުނު 24.5 މިލިއަން ވޯޓުގެ ތެރެއިން ޕެޒެޝްކިއަންއަށް 10.4 މިލިއަން ވޯޓު ލިބުނުއިރު ޖަލީލީއަށް ލިބުނީ 9.4 މިލިއަން ކަމަށް އިންތިޚާބުގެ ތަރުޖަމާނު މޮހްސިން އިސްލާމީ އިއުލާން ކުރެއްވި އެވެ. މަޖިލީހުގެ ރައީސް މުހައްމަދު ބަޣްރު ޤާލިބާފަށް 3.3 މިލިއަން ވޯޓު ލިބުނުއިރު، ޝީޢީ ދީނީ އިލްމުވެރިޔާ މުސްތަފާ ޕޫރްމުޙައްމަދީއަށް ލިބިފައިވަނީ 206،000 އަށް ވުރެ ގިނަވޯޓެވެ.
