ޣައްޒާގެ ހެލްތު މިނިސްޓްރީން ބުރާސްފަތި ދުވަހު ބުނީ ގާތްގަނޑަކަށް ނުވަ މަސް ދުވަހުގެ ހަނގުރާމައިގައި ފަލަސްތީނުން ޝަހީދުވި މީހުންގެ އަދަދު 38،000 އަށް ވުރެ މައްޗަށް ގޮސްފައިވާ ކަމަށެވެ.

މިނިސްޓްރީން ބުނީ ފާއިތުވި 24 ގަޑިއިރުގެ ތެރޭގައި 58 މީހެއްގެ ހަށިގަނޑު ހޮސްޕިޓަލްތަކަށް ގެނެވިފައިވާއިރު، ޖުމްލަ ޝަހީދުވި މީހުންގެ އަދަދު ވަނީ 38،011 އަށް އަރާފައެވެ.

އެގޮތުން ހަމަލާތަކުގައި 87،000 އަށް ވުރެ ގިނަ މީހުން ޒަޚަމްވެފައިވާ ކަމަށް ބުނެފައިވެ އެވެ.

ޝަހީދުވި ގިނަ މީހުންނަކީ އަންހެނުންނާއި ކުޑަކުދިންނެވެ.