އީރާނުގެ ކޮންޒަވޭޓިވް ވާދަވެރިޔާ ސައީދު ޖަލީލީގެ މައްޗަށް ކުރި ހޯދައި، އިރާނުގެ އާ ރައީސް ކަމަށް ރިފޯމިސްޓް މަސްއޫދު ޕެޒެޝްކިއަން އިންތިހާބުކޮށްފިއެވެ.
އެ ވޯޓު ޑރ ޕެޒެޝްކިއަންއަށް ކާމިޔާބުވީ ވަނީ ގުނާފައިވާ 30 މިލިއަނަށްވުރެ ގިނަ ވޯޓުގެ %53.3 ލިބިވަޑައިގަތުމުންނެވެ. ޖަލީލީއަށް ލިބިފައިވަނީ %44.3 ވޯޓެވެ.
އިންތިޚާބުގެ ދެވަނަ ބުރު ބާއްވާފައިވަނީ ޖޫން މަހުގެ 28 ވަނަ ދުވަހު ބޭއްވި އިންތިޚާބުގެ ފުރަތަމަ ބުރުގައި އެއްވެސް ކެންޑިޑޭޓަކަށް އަޣުލަބިއްޔަތު ނުލިބުމުންނެވެ.
މި އިންތިޚާބު ބާއްވާފައިވަނީ އީރާނުގެ ކުރީގެ ރައީސް އިބްރާހިމް ރައިސީ މެއި މަހު ހެލިކޮޕްޓަރ އެކްސިޑެންޓެއްގައި އަވަހާރަވުމާ ގުޅިގެންނެވެ.
އީރާނުގެ އިންޓީރިއާ މިނިސްޓްރީން ފައިނަލް ނަތީޖާ އިއުލާން ކުރުމުގެ ކުރިން ވެސް ޑރ ޕެޒެޝްކިއަންގެ ސަޕޯޓަރުން ވަނީ ތެހެރާނާއި އެހެނިހެން ގިނަ ސިޓީތަކެއްގެ މަގުތަކަށް ނުކުމެ އުފާފާޅުކޮށްފައެވެ.
އެންމެ ފަހުގެ ވޯޓުގެ ބުރުގައި ވޯޓުލި މީހުންގެ އަދަދު ފުރަތަމަ ބުރަށް ވުރެ 50% ގިނައެވެ.
