ރައީސް ޔާމީން އަބްދުލްގައްޔޫމް އަދި ރައީސް މުހައްމަދު ނަޝީދު އަށް އަމާޒުކޮށްދީފައިވާ ނިރުބަވެރި ހަމަލާގެ ފުރިހަމަ ތަހުގީގެއް ނުކޮށް ކުށްވެރިން އިންސާފުގެ ކުރިމައްޗަށް ނުގެނެވި ފާއިތުވާ ކޮންމެ ދުވަހަކީ ސަރުކާރު ލަދުވެތިވާންޖެހޭ ކަމެއް ކަމުގައި ޕީއެންއެފްގެ ސެކްރަޓަރީ މުހައްމަދު މަލީހް ޖަމާލް ވިދާޅުވެއްޖެއެވެ.
ރައީސް ޔާމީން ދަތުރުކުރެއްވި ލޯންޗް ކޮޅަށް ދިން ހަމަލާއާއި ރައީސް ނަޝީދަށް އަމާޒުކޮށް ދިން އައިއީޑީ ހަމަލާ މި ސަރުކާރުން ބަލަން ޖެހޭ ކަމަށާއި މިފަދަ ހަމަލާތަކަކީ ފުރިހަމަ ތަހުގީގެއް ހިންގާ އެކަމުގައި ޝާމިލުވާ ފަރާތްތަކަށް ހައްގު އަދަބު ދެވެންޖެހޭ ކަމަށް ޖަމީލް ސިފަކުރެއްވިއެވެ.
ގައުމުގެ ރައީސުންނަށް ދެވޭ މިފަދަ ހަމަލާތައް ދިފާއުކޮށް ވާހަކަދައްކާ މީހުން ފާހަގަކޮށް އަދި އެކަމުގައި އުޅޭ ފަރާތްތަކަށް އަދަބު ދެވުމަކީ ކުރިއަށް އޮތް ތަނުގައި މިފަދަ އަމަލުތައް މަދުކުރުމަށް އެޅިގެންދާނެ މުހިއްމު ފިޔަވަޅެކެވެ.
