އިންޑިއާ ސަރުކާރުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު، ޝްރީ މުނު މަހާވަރް، މިއަދު ރައްޔިތުންގެ މަޖިލީހުގެ ރައީސްގެ އަރިހަށް ޒިޔާރަތެއް ކުރައްވައިފިއެވެ.

މި ބައްދަލުވުން ބާއްވާފައިވަނީ ރައްޔިތުންގެ މަޖިލީހުގެ އިދާރާގައެވެ. އެހެންނަމަވެސް މި ބައްދަލުވުމާ ގުޅޭ އިތުރު ތަފްސީލެއް ރައްޔިތުންގެ މަޖިލީހުގެ އިދާރާއިން ހާމަކޮށްފައެއް ނުވެއެވެ.

އިންޑިއާ އައުޓް ގޮވަމުން ވެރިކަން ހޯދައިގެން އިންޑިޔާގެ ރުހުން ހޯދުމަށް ސަރުކާރުން މިހާރު އަންނަނީ ކުރެވެން އޮތް ހުރިހާ ކަމެއް ކުރަމުންނެވެ. ވަކި ގައުމަކަށް ބަރޯސާނުވުމަށް ގޮވަމުން އައި މީހުން މިއަދު ދެއިރު ދެދަޅައަށް އިންޑިއާއަށް ޒިޔާރަތްކޮށް އެމީހުން ރުއްސަން މަސައްކަތް ކުރަމުން އަންނަ ތަން ދަނީ ފެންނަމުންނެވެ.