ހަމާސްގެ އައު ވެރިޔަކަށް ޣައްޒާގެ އެންމެ އިސް ލީޑަރު ޔަޙްޔާ ސިންވާރު ޢައްޔަންކޮށްފިއެވެ.

ހަމާސްގެ ސިޔާސީ އަދި އަސްކަރީ ހަރަކާތުގައި މުހިއްމު ދައުރެއް އަދާކުރަމުން އައި ސިންވާރު އެ އެ ޖަމާޢަތުގެ އައު ވެރިޔަކަށް އައްޔަންކުރެވުނީ ހަމާސްގެ ޝޫރާ ކައުންސިލްގެ އިއްތިފާގުންނެވެ.

މި ބަދަލާއެކު، ހަމާސްގެ ލީޑަރޝިޕްގައި އައު ބަދަލުތަކެއް އަންނާނެކަމަށް ބެލެވެއެވެ. ނަމަވެސް، އިސްރާއީލާ ދެކޮޅަށް ހިންގާ ހަނގުރާމައިގެ ސިޔާސަތުތަކަށް މާބޮޑު ބަދަލެއް ނާންނާނެކަމަށް ގިނަ ތަޙްލީލުވެރިން ދެކެއެވެ.

ސިންވާރުގެ ވެރިކަމުގެ ދަށުން ހަމާސް ކުރިއަށްދާނެ ގޮތަކާމެދު ބައިނަލްއަގްވާމީ މުޖުތަމައުން މިހާރު ދަނީ ބަލަމުންނެވެ. އަދި މެދު އިރުމަތީގެ ސަލާމަތާއި ރައްކާތެރިކަމަށް މިކަމުން ކޮށްފާނެ އަސަރުތައް ވަޒަންކުރަމުންދެއެވެ.

ސިންވާރު ހަމާސްގެ އެންމެ އިސް ވެރިޔާގެ މަގާމަށް އައްޔަންކުރީ އެ މަގާމުގައި ހުންނެވި އިސްމާޢީލް ހަނިއްޔާ ތެހްރާންގައި ޝަހީދުކޮށްލުމާ ގުޅިގެންނެވެ.