އައު އަހަރާ ދިމާކޮށް އުރީދޫ އިން ކަސްޓަމަރުންނަށް ޚާއްސަކޮށް ގިނަ އޮފާރތަކެއް ތައާރަފްކޮށްފިއެވެ.

އުރީދޫއިން ހާމަކޮށްފައިވާ ގޮތުގައި 2024 އަށް މަރުހަބާކިޔުމުގެ ގޮތުން އުރީދޫ މޯލްޑިވްސްގެ ކަސްޓަމަރުންނަށް 5ޖީ، މޯބައިލް އަދި ސުޕާނެޓްގެ ހާއްސަ އޮފާތަކެއް މިވަނީ ތައާރަފްކޮށްފައެވެ.

އެގޮތުން އާދިއްތަ ދުވަހުގެ 12:00 އިން ފެށިގެން މި ޕްރޮމޯޝަންތައް ހުޅުވާލެވިގެންދާނެއެވެ.

ދިވެހި ރާއްޖޭގައި އަލަށް 5ޖީ އަށް ހާއްސަ އެކްސްކުލޫސިވް އެޑް އޮން ތަކެއް އުރީދޫއިން ތައާރަފްކޮށް ޕޯސްޓްޕެއިޑް އަދި ޕްރީޕެއިޑްގައި 5ޖީ ބޭނުން ކުރާ ކަސްޓަމަރުންނަށް ވެސް މި ޕްރޮމޯޝަންގެ ދަށުން ޚިދުމަތް ލިބިގެންދާނެއެވެ.

މީގެއިތުރުން ޕްރީޕެއިޑް އަދި ޕޯސްޓްޕެއިޑް ކަސްޓަމަރުންނަށްވެސް "ސޯޝަލް އަންލިމިޓަޑް ޕްލޭން"ގެ ދަށުން 24 ގަޑިއިރަށް 24 ޖީބީ ޑޭޓާ 25 ރުފިޔާއަށް ލިބިގެންދާނެ ކަމަށް އުރީދޫއިން ވަނީ ބުނެފައެވެ.

މި އޮފާއާއެކު ސޯޝަލް މީޑީއާ އަންލިމިޓަޑް (ވީޗެޓް، ވައިބާ، ވަޓްސްއަޕް، ޓެލެގްރާމް، ސްނެޕްޗެޓް، ޓްވިޓާ، އިންސްޓަގްރާމް) އަދި އޫރީދޫ ނަންބަރު ތަކަށް މުޅިން ހިލޭ ގުޅާލެވޭނެއެވެ.

މީގެއިތުރުން ސުޕާނެޓަށް އަލަށް ރެޖިސްޓާ ކުރާ ފަރާތްތަކުގެ ތެރެއިން، 400 ރުފިޔާއިން މަތީގެ ޕެކޭޖުތައް ބައްލަވައިގަންނަވާ ފަރާތްތަކަށް 100ޖީބީ ބޯނަސް ޑޭޓާ ލިބޭ އޮފާއެއް ވެސް އުރީދޫއިން ވަނީ ތައާރަފްކޮށްފައެވެ. އަދި މި ޑޭޓާ 3 މަހަށް ބޭނުންކުރެވޭނެއެެވެ.

5ޖީ އެއާފައިބާ އޮފާގައި އެއާފައިބާ އަލަށް ރެޖިސްޓާކޮށް 999ގެ ޕެކޭޖަށް ވުރެ މަތިން ނަންގަވާ ކަސްޓަމަރުންނަށް، އެއާފައިބާ ޑިވައިސްއެއް ހިލޭ ލިބުމުގެ ފުރުސަތު އޮންނާނެ ކަމަށް އުރީދޫއިން ވަނީ ބުނެފައެވެ.