ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ހިއްސާ ވިއްކުމަށް ރައީސް ޑރ މުހައްމަދު މުއިއްޒު ނިންމެވުމާއި ގުޅިގެން ޕީއެންއެފްގެ އެސްޖީ މުހައްމަދު މަލީހް ޖަމާލް ފާޑުވިދާޅުވެއްޖެ އެވެ.

މަލީހް މިފަދައިން ވިދާޅުވެފައި ވަނީ އެކްސްގައި ކުރެއްވި ޕޯސްޓެއްގައެވެ.

އެގޮތުން މަލީހް ވިދާޅުވީ ހަރު މުދާ ނުވިއްކާ ވެރިކަން ނުކުރެވޭނަމަ ވެރިކަމުން ފައިބާ ގޭގައި މަޑުކުރުމަށެވެ.

ރައީސް މުއިއްޒު އަދި މަޖިލިސް ރައީސް އަދުރޭ އަށްވުރެ ގައުމު ބޮޑުވާނެކަމަށް ވެސް މަލީހް ވަނީ ޕޯސްޓްގައި ވިދާޅުވެފައެވެ.

(އެޗްޑީސީ) ގެ ހިއްސާ ވިއްކުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިސްނަވާފައިވާކަމަށް ހައުސިން މިނިސްޓަރު ޑރ. އަލީ ހައިދަރު އަހުމަދު ވަނީ ވިދާޅުވެފައެވެ.

މިނިސްޓަރު ހައިދަރު މިހެން ވިދާޅުވީ އާދިއްތަ ދުވަހުގެ ކެބިނެޓް ބައްދަލުވުމުގައި މަޝްވަރާ ކުރެއްވި ކަންކަމުގެ މައުލޫމާތު ހިއްސާ ކުރެއްވުމަށް ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ.