އާރާއި ބާރަކީ ވަގުތީ އެއްޗެއް ކަމަށާއި އަނިޔާވެރިވުން ހުއްޓާލުމަށް ޕީއެންއެފްގެ ސެކްރެޓަރީ ޖެނެރަލް މުހައްމަދު މަލީހް ޖަމާލް ރައީސް ޑރ މުހައްމަދު މުއިއްޒު އަށް ގޮވާލައްވާފިއެވެ.
މަލީހް އެކްސްގައި ކުރެއްވި ޕޯސްޓެއްގައި ބުނެފައިވަނީ މުއިއްޒު ވެރިކަމަށް ވަޑައިގެންނެވީ ރައީސް ޔާމީންގެ ހިތްވަރުންނާއި އެމަނިކުފާނުގެ ވިސްނުންފުޅު ޕްރޮމޯޓްކޮށްގެން ކަމަށެވެ.
ރައީސް ޑރ މުހައްމަދު މުއިއްޒު ވެރިކަމަށް ވަޑައިގަތީ ރައީސް ޔާމީނަށް ރައްޔިތުންގެ ހިތުގައި އޮތް ލޯތްބާއި އެމަނިކުފާނަށް ކުރެއްވި އިތުބާރުން ކަމީ މުޅި ރާއްޖެ ހެކިވާނެ ހަގީގަތެކެވެ. ރިޔާސީ ކެމްޕޭން ތެރޭގައި މުއިއްޒު އެންމެ ބޮޑަށް ދެއްކެވީވެސް ރައީސް ޔާމީން މިނިވަން ކުރައްވާނެ ވާހަކައަކާއި އެމަނިކުފާނަށް އިންސާފު ހޯއްދަވައިދެއްވާނެ ކަމުގެ ވާހަކައެވެ.
ނަމަވެސް ފެނިގެން ދިޔައީ މުޅިން ތަފާތު މަންޒަރެކެވެ. ވެރިކަމުގެ ހުވާ ކުރެއްވުމާއެކު ދައްކަމުން ގެންދިޔަ "ހުސް ގޮނޑި" ގެއްލި، ގުނަމުންދިޔަ ދުވަސްތައް ހަނދާންނެތިގެން ދިޔަ ތަނެވެ.
ބޮޑާވެ ކިބުރުވެރިކަން އިސްކުރާނަމަ ވެރިކަން ގެއްލެން މާ ގިނަ ދުވަހެއް ނުނަގާނެކަމަށް މަލީހް ސިފަކުރެއްވިއެވެ.
