ރާއްޖޭގެ ތިން ސަރަހައްދެއްގައި ރިހެބިލިޓޭޝަން ފަރުވާދޭ ސެންޓަރު ގާއިމުކުރުމަށް ނޭޝަނަލް ޑްރަގް އެޖެންސީ (އެންޑީއޭ) އިން ނިންމައިފިއެވެ.

އެންޑީއޭއިން ހާމަކުރައްވާފައިވާ ގޮތުގައި، ރިހެބިލިޓޭޝަން ފަރުވާދޭ މަރުކަޒުތަކެއް ގާއިމުކުރުމަށް ހަމަޖެހިފައިވާ 3 ސަރަހައްދަކީ ލާމު އަތޮޅު، ކ.ކާށިދޫ އަދި ނ.ވެލިދޫއެވެ.

މަސްތުވާތަކެތީގެ އަވައިގައި ޖެހިފައި ތިބި މީހުންނަށް ފަރުވާދިނުމަށް، އެ އޭޖެންސީން ވަނީ މަސްތުވާތަކެތީގެ ޤާނޫނުގައި ވާފަދައިން ފަރުވާދޭ މަރުކަޒުތަކެއް ރާއްޖެއާއި ރާއްޖޭން ބޭރުގައިވެސް އަމިއްލަ ފަރާތްތަކެއް މެދުވެރިކޮށް ހިންގުމާއި ގުލޭގޮތުން މަޝްވަރާކޮށްފައިވާ ކަމަށް ހާމަކުރައްވާފައެވެ.

މަސްތުވާތަކެތީގެ ބޭނުންކުރާ ފަރާތްތަކަށް ފަރުވާދިނުމަށްޓަކައި، އެ ފަރާތްތަކަށް ކޮމިއުނިޓީ ބޭސްޑް ރިހެބިލިޓޭޝަން ޕްރޮގްރާމެއް ކުރިއަށް ގެންދިޔުމަށް ވަޒީރުންގެ މަޖިލީހުން ލަފާދީފައިވާއިރު އެ ޕްރޮގްރާމް ކުރިއަށް ގެންގޮސްފައިވެއެވެ.

މިދިރާސާ ދަތުރުގައި އެން.ޑީ.އޭގެ ސީ.އީ.އޯ އިމާދް ސާލިޙް އަދި ހޯމްލޭންޑް ސެކިއުރިޓީގެ ސީނިއަރ ޕޮލިޓިކަލް ޑައިރެކްޓަރ އިސްމާއިލް އިބްރާހީމް ބައިވެރިވެ ވަޑައިގެންފައިވެއެވެ.

މިވަގުތު ރާއްޖޭގައި ތިން ރިހެބިލިޓޭޝަން ސެންޓަރެއް ސަރުކާރުން ހިންގަމުންދާއިރު އެ ސެންޓަރުތަކަކީ ކ. ހިންމަފުށީގައި ހިންގާ ތަނަކާއި ހުޅުމާލޭގެ ހާފްވޭ ހައުސް އަދި ވެރި ރަށް މާލޭގައި ހިންގާ ސެންޓަރެކެވެ.