ދެކުނު ޣައްޒާގައި ކަނޑައެޅިފައިވާ ރައްކާތެރި ސަރަހައްދަކަށް ސަހްޔޫނީން ދިން ހަމަލާއެއްގައި 19 މީހުން މަރުވެ އެތައް ބަޔަކު ޒަޚަމްވެއްޖެއެވެ.
ޣައްޒާގެ ހެލްތު މިނިސްޓްރީން ބުނީ ފަލަސްތީނު މީހުން ހިޔާވަހިކަން ހޯދާފައިވާ ޚާން ޔޫނިސްގެ އަލް މަވާސީ ސަރަހައްދުގައި ހުންނަ ޓެންޓް ކޭމްޕަކަށް މިސައިލް ހަމަލާދިނުމުން މިހާތަނަށް ހޯދިފައިވާ މީހުންގެ ހަށިގަނޑުތައް ހޮސްޕިޓަލްތަކަށް ގެނެސްފައިވާ ކަމަށެވެ.
ސަހްޔޫނީންގެ ހަމަލާތައް ގިނައިން އަމާޒުވެފައި ވަނީ އެގައުމުގެ އަސްކަރިއްޔާއިން ކުރިން އާންމުންނަށް ރައްކާތެރިކަން ހޯދުމަށް އަންގާފައިވާ ސަރަހައްދުތަކަށް ކަން ފާހަގަކުރެވިފައިވެއެވެ.
އަނިޔާވެފައިވާ ވެފައިވާ މީހުންގެ އަދަދު އަދިވެސް ޔަގީން ނުވާކަމަށާއި އެމްބިއުލާންސް އާއި ސިވިލް ޑިފެންސް ކްރޫތަކަށް އެމީހުންނާ ހަމައަށް ނުދެވޭ ކަމަށް ހެލްތް އިން ބުނެފައިވެއެވެ.
މީގެ އިތުރުން ވެލި ދަށުގައި މީހުން ވަޅުލެވިފައިވާއިރު ހަށިގަނޑުގެ ބައިތައް ވަނީ ފެނިފައެވެ.
