އދ އަށް ވަޑައިގެން ރައީސުލްޖުމްހޫރިއްޔާ ޑރ މުހައްމަދު މުއިއްޒު އުޅުއްވަމުން ގެންދަވާ ގޮތައް ޕީއެންއެފްގެ ސެކެޓްރީ ޖެނެރަލް މުހައްމަދު މަލީހް ޖަމާލް ފާޑުވިދާޅުވެއްޖެ އެވެ.

މަލީހް މިފަދައިން ވިދާޅުވެފައި ވަނީ އެކްސްގައި ކުރެއްވި ޕޯސްޓެއްގައެވެ.

އެގޮތުން މަލީހް ވިދާޅުވީ ރައީސް މުއިއްޒު އދ ގައި ދެއްކެވި ގިނަ ވާހަކަތަކަކީ އެމަނިކުފާނުގެ އިސްކޮޅަށް ވުރެ ދިގު ވާހަކަތަކެއްކަމަށެވެ.

ރައީސް މުއިއްޒު އދގައި ތަގްރީރު ކުރައްވަމުން ދުނިޔޭގެ ވާހަކަތައް ގިނައިން ފާހަގަކުރެއްވުމުން މަލީހް ވިދާޅުވީ ދުނިޔެ އިސްލާހުކުރަން އުޅުއްވުމަށް ވުރެ ރާއްޖެ ސަލާމަތުގެ އައްސޭރިއަކަށް ގެންވަދަން ރައީސް މުއިއްޒު މަސައްކަތްކުރައްވަން ޖެހޭކަމަށެވެ.

މަލީހް އިތުރަށް ވިދާޅުވީ ނިއުޔޯކުގައި ރައީސް މުއިއްޒު އުޅުއްޗަނީ ފޮޓޯ ޝޫޓެއްގައިކަމަށެވެ.

މަލީހްގެ އިތުރުންވެސް ގިނަ ބަޔަކު އަންނަނީ ސަރުކާރަށް ފާޑުކިޔުން އަމާޒުކުރަމުންނެވެ.