މިދިޔަ އޮކްޓޯބަރު މަހުގެ 7 ވަނަ ދުވަހުން ފެށިގެން ސަހްޔޫނީން ފަލަސްތީނާއި ދެކޮޅަށް ހިންގަމުން އަންނަ ގަތުލުއާންމުގައި މިހާތަނަށް 41،495 މީހުން ޝަހީދުވެއްޖެއެވެ.

މީގެ އިތުރުން، މި ހަމަލާތަކުގައި 96،251 މީހުން ޒަހަމްކޮށްލާފައިވާ ކަމަށް ހެލްތު މިނިސްޓްރީން ބުނެފައިވެއެވެ.

އޮކްޓޯބަރު ހަތްވަނަ ދުވަހު ހަމާސްއިން ސަހްޔޫނީންނަށް ދިން ކުއްލި ހަމަލާތަކުގެ ސަބަބުން ބަދަލުހިފުމަށް އެމީހުން އަންނަނީ ޣައްޒާގެ އެކި ހިސާބުތަކަށް ހުއްޓުމެއް ނެތި ވަރުގަދަ ހަމަލާތަކެއް ދެމުންނެވެ. ސަހްޔޫނީން ދެމުންދާ ހަމަލާތައް އާންމުން ދިރިއުޅޭ އިމާރާތްތަކާއި ހޮސްޕިޓަލްތަކަށާއި ސްކޫލްތަކަށާއި މިސްކިތްތަކަށް ވެސް ވަނީ އަމާޒުކޮށްފައެވެ.

ސަހްޔޫނީންގެ ހަމަލާތަކުގެ ސަބަބުން ޝަހީދުވެފައިވާ ފަލަސްތީނުގެ މީހުންގެ 70 ޕަސެންޓަކީ ހަނގުރާމާގައި އެއްވެސް ބައިވެރިވުމެއް ނެތް ކުޑަކުދިންނާއި އަންހެނުން ޣައްޒާގެ ހެލްތު މިނިސްޓްރީން ވަނީ ބުނެފައެވެ.

ފަލަސްތީނާއި ދެކޮޅަށް އިރާން އާއި ލުބްނާން އިން އަޑު އުފުލާ ސަހްޔޫނީންނަށް ހަމަލާތައް އަމާޒު ކުރުމުން، އެގައުމުން އަންނަނީ ލުބްނާނުގެ ބެއިރޫތްއަށް ވަރުގަދަ ހަމަލާތައް ދެމުންނެވެ.

އިސްރާއީލުން ޣައްޒާއަށް ދެމުންދާ ހަމަލާތައް އެއްދުވަހުން އަނެއް ދުވަހަށް ވަރުގަދަ ކުރަމުންދާއިރު، މިހާތަނަށް ދީފައިވާ ހަމަލާތަކުގައި ޣައްޒާގެ އެތައްހާސް އިމާރާތްތަކެއް ބިމާހަމަވެ، އެއް މިނިލިއަނަށް ވުރެ ގިނަ މީހުންގެ ގެދޮރު ވަނީ ގެއްލިފައެވެ.