ޣައްޒާގެ އުތުރުގައި އިސްރާއީލުގެ އަސްކަރީ އޮޕަރޭޝަންތަކުގެ ސަބަބުން އިންސާނީ ހިދުމަތްތައް ހުއްޓުމަކަށް އައިސްފައިވާ ކަމަށް ރިޕޯޓްތަކުން ބުނެފިއެވެ.

ޔޫއެންއާރުޑަބްލިއުއޭ އިން އެކްސްގައި ބުނެފައި ވަނީ އުތުރުގައި ވަރުގަދަ އަސްކަރީ އޮޕަރޭޝަންތައް ވަރުގަދަކުރުމުގެ ސަބަބުން ފުރާނަ ސަލާމަތްކުރުމުގެ ހިދުމަތް ތައް ހުއްޓާލަން މަޖުބޫރުވެފައިވާ ކަމަށެވެ.

ގެދޮރު ގެއްލިފައިވާ މީހުންނަށް ހިޔާވަހިކަން ފޯރުކޮށްދޭ ހަތް ސްކޫލެއް ހުސްކުރުމުގެ މަސައްކަތް ކުރަމުން އަންނަ ކަމަށް މި ޖަމިއްޔާ އިން ވަނީ ބުނެފައެވެ.

މީގެ އިތުރުން، ޖަބަލިއާ ރެފިއުޖީ ކޭމްޕްގައި ހުރި އަށް ފެން ވަޅުގެ ތެރެއިން އަދިވެސް ހިންގަނީ އެންމެ ދެ ފެންވަޅު ކަމަށްވެސް އެ ފަރާތްތަކުން މައުލޫމާތު ހާމަކޮށްފައިވެއެވެ.

ސަހްޔޫނީންގެ ހަމަލާތަކަށް ހުއްޓުމެއްނެތި އަހަރެއްވެފައިވާއިރު ޣައްޒާއިން މިހާތަނަށް މި ހަމަލާތަކުގައި 50000 އަށް ވުރެ ގިނަ މީހުން ޝަހީދުވެ އެތައް ބަޔަކު ވަނީ ޒަޚަމްވެ ގެދޮރު ގެއްލިފައެވެ.