ޣައްޒާގެ މެދުތެރޭގައި އޮންނަ އަލްނަފާޤް މަގުގައި ސަހްޔޫނީންގެ ޑްރޯނަކުން ކުޑަކުއްޖަކު ބަޑިޖަހައި މަރާލާފައިވާ މީޑިއާ ތަކުން ރިޕޯޓްކޮށްފިއެވެ.

މީޑިޔާތަކުން އާންމުކޮށްފައިވާ ވީޑިއޯ އަކުން ފެންނަ ގޮތުގައި އެ ކުއްޖާ ސަލާމަތް ކުރަން އައި މީހުންނަށް ސަހްޔޫނީންގެ ސިފައިން ހަމަލާދޭ މަންޒަރު ވެސް ފެނެ އެވެ.

މީގެ އިތުރުން އެ ސަރަހައްދަށް ދެ މިސައިލެއް ވެސް ވަނީ ފޮނުވާލާފައެވެ.

ސަހްޔޫނީން ދެމުން އަންނަ ހަމަލާތައް ބޮޑަށް އަމާޒުކުރަމުން އަންނަނީ އާންމުން ގިނަ ސަރަހައްދުތަކަށް ކަން ފާހަގަކުރެވިފައިވެއެވެ. މިގޮތުން ހޮސްޕިޓަލްތަކާއި، ސްކޫލްތަކަށް އަމާޒުކޮށް ގިނަ ހަމަލާތަކެއް އެމީހުން އަންނަނީ ފޮނުވަމުންނެވެ.