މޫލީން ގެލެކްސީ އެސް24 ފޯނު ޕްރިއޯޑާ ކުރި ކަސްޓަމަރުންނަށް ޑެލިވަރީތައް ފަށައިފިއެވެ.

މީޑިއާތަކަށް މައުލޫމާތު ދެމުން އުރީދޫއިން ބުނީ މޫލީ، އީކޮމާސް ޕްލެޓްފޯމް މެދުވެރިކޮށް ސެމްސަންގް ގެލެކްސީ އެސް 24 ފޯނުތައް ޕްރީއޯޑަރު ކުރި ފުރަތަމަ ކަސްޓަމަރުންނަށް 1 ފެބުރުއަރީގައި ފޯނު ހަވާލުކުރުމަށް ޑެލިވެރީ ފަށާފައިވާކަމަށެވެ.

އުރީދޫއިން ބުނީ މޫލީ މެދުވެރިކޮށް ސެމްސަންގް ގެލެކްސީ އެސް24 ފޯނަށް ޕްރީއޯޑަރު ކުރަން ހުޅުވާލީ މިދިޔަ މަހުގެ 19ގައި ކަމަށެވެ.

މޫލީ މެދުވެރިކޮށް އެސް24 ފޯނު ގަންނަ މީހުންނަށް އެ އޮފާގެ ދަށުން އެތައް ފައިދާއެއް ލިބޭއިރު އޭގެ ތެރޭގައި ހިމެނެނީ:

• ޕްރީ އޯޑާ ކުރާ ކޮންމެ ކަސްޓަމަރަކަށް ސެމްސަންގް ގެލެކްސީ ގަޑިއެއް

• ޕްރީ އޯޑާ ކުރާ ކޮންމެ ކަސްޓަމަރަކަށް 100 ޖީބީ ބޯނަސް ޑޭޓާ

• އެޑޯބީ ފޮޓޯޝޮޕް ލައިޓްރޫމްގެ ދެ މަހުގެ ޕްރީމިއަމް އޮފާ

• އެޑޯބީ އެކްސްޕްރެސްގެ ދެ މަހުގެ ޕްރީމިއަމް އޮފާ

• ފުރަތަމަ ޕްރީ އޯޑާ ކުރާ ފުރަތަމަ 24 ކަސްޓަމަރުންނަށް 1000 ރުފިޔާގެ މޫލީ ވައުޗާ އެވެ.

އުރީދޫއިން ބުނީ އެ ކުންފުނިން ދަނީ އެންމެ ފަހުގެ ޓެކްނޮލޮޖީ އަދި ޑިވައިސްތައް ދިވެހިންނަށް ފޯރުކޮށްދިނުމަށް ސެމްސަންގް ފަދަ އިންޑަސްޓްރީގެ ފުންނާބުއުސް ކުންފުނިތަކާއެކު ގާތުން މަސައްކަތް ކުރަމުން ކަމަށެވެ.