މާލެ ސަރަހައްދުގައި ގަވައިދާ ހިލާފަށް އުޅޭ އިތުރު ފަސް ބިދޭސީއަކު މޯލްޑިވްސް އިމިގްރޭޝަނުން އަތުލައިގެންފި ކަމަށް އެ އިދާރާއިން ބުނެފިއެވެ.

މި ފަސް މީހުން ހައްޔަރު ކޮށްފައިވަނީ ހޯމަ ދުވަހު މާލޭގައި ހިންގި އޮޕަރޭޝަންގައެވެ.

އެ އޮޕަރޭޝަނުގެ ތެރެއިން ހައްޔަރުކުރީ ސައްހަ ވިސާއެއް ނެތި، ގަވާއިދާ ޚިލާފަށް އެތަނުގައި މަސައްކަތް ކުރަމުން ދިޔަ ބިދޭސީންތަކެއް ކަމަށް އިމިގްރޭޝަނުން ވަނީ ބުނެފައެވެ.

ރާއްޖޭގައި ގަވާއިދާ ހިލާފަށް އުޅެމުން އަންނަ ބިދޭސީން ހޯދައި، އެމީހުންނާއި މެދު ފިޔަވަޅު އެޅުމުގެ މަސައްކަތުގެ ތެރެއިން މިހާތަނަށް 4،000 އަށްވުރެ ގިނަ ބިދޭސީން ވަނީ ޑީޕޯޓް ކޮށްލާފައެވެ.