ފަލަސްތީނުގެ ޣައްޒާގައި ސަހްޔޫނީންގެ ސިފައިން މަރާލައިފި ކަމަށް ރިޕޯޓްކޮށްފިއެވެ.

ސަހްޔޫނީންގެ އަސްކަރިއްޔާ އިން ބުނި ގޮތުގައި ފަލަސްތީނުގެ މިނިވަން ކަމަށް މަސައްކަތް ކުރަމުން އަންނަ ހަމާސް ޖަމާއަތުން ދިން ހަމަލާއެއްގައި އެ ސިފައިންގެ މީހުން މަރާލާފައި ވަނީ ޣައްޒާގެ އުތުރުގައި ހަނގުރާމަ ކުރަމުން ދަނިކޮށް ކަމަށެވެ.

މަރާލި ސިފައިންގެ ވަނަވަރާއި ފޮޓޯ ސަހްޔޫނީންގެ އަސްކަރިއްޔާއިން ވަނީ ހާމަކޮށްފައެވެ. މަރާލި މީހުންގެ ތެރޭގައި ހިމެނެނީ އުމުރުން 20 އަހަރުގެ ދެ މީހަކާއި، 21 އަހަރުގެ ދެ މީހެކެެވެ.

ސަހްޔޫނީން ފަލަސްތީނުގެ ޣައްޒާއަށް އަރައިގަނެ ހިންގަމުން ގެންދާ ގަތުލުއާންމުގައި ހަމައެކަނި ޣައްޒާ އިން 400 އާ ގާތްކުރާ އަދަދަކަށް ސިފައިން ވަނީ މަރާލައިފައެވެ.

މީގެ އިތުރުން ސަހްޔޫނީން އަންނަނީ ފަލަސްތީނުން ދޭ ހަމަލާތަކުގެ ބަދަލުގައި ނުރައްކާތެރި ހަމަލާތައް އާންމުން އެއްވެ އުޅޭ ސަރަހައްދުތަކަށް އަމާޒުކުރަމުންނެވެ.