ސަހްޔޫނީން ފަލަސްތީނުގެ ރައްޔިތުންނާއި ދެކޮޅަށް ހިންގަމުންދާ ހަނގުރާމައިގެ ސަބަބުން ތެލާއި ފުށް ލިބުން ދަތިވުމުގެ ސަބަބުން ބޭކަރީތައް ބަންދުކުރަން ފަށާފައިވާ ކަމަށް އެ ގައުމުގެ މީޑިޔާތަކުން ރިޕޯޓްކޮށްފިއެވެ.

އދ.ގެ ތަރުޖަމާނު ސްޓެފަން ޑުޖާރިކް ބުދަ ދުވަހު ނޫސްވެރިންނަށް މައުލޫމާތު ދެއްވަމުން ވިދާޅުވީ ޣައްޒާގެ ބައެއް ބޭކަރީތަކުގެ މަސައްކަތް ތައް މި ހަފުތާގައި ހުއްޓާލަން މަޖުބޫރުވެފައިވާ ކަމަށެވެ.

ޣައްޒާގެ އިންސާނީ އެހީއަށް މަސައްކަތްކުރާ ޖަމިއްޔާތަކުން އެހީތެރިކަން ފޯރުކޮށްދޭ 19 ބޭކަރީގެ ތެރެއިން އަދިވެސް ހިންގަމުން ދަނީ އެންމެ ހަތް ބޭކަރީ ކަމަށާއި ބާކީ ހުރި ބޭކަރީތައް "ބަންދުވާން ކައިރިވެފައި" ވަނީ ފުށް އަދި ތެޔޮ ހުސްވަމުންދާތީ ކަމަށް އޭނާ ވިދާޅުވި އެވެ.

"މިއީ ޣައްޒާގެ ހުރިހާ ސަރަހައްދުތަކަށް ބަނޑުހައިހޫނުކަމުގެ ނުރައްކާ ވަރަށް ބޮޑަށް ކުރިމަތިވެފައިވާ ދަނޑިވަޅެއް" ޑުޖާރިކް ވިދާޅުވި އެވެ.