ހަނގުރާމްކޮށްގެން ފަލަސްތީނުގެ އިތުރުން ދުނިޔޭގެ އެކިސަރަހައްދުގެ މުސްލިމުންގެ އީމާންތެރިކަމާއި ހިތްވަރު ގުޑުވާނުލުވުމުން މުސްލިމުންނަށް ދަތިކުރުމުގެ ގޮތުން އެންމެ ފަހުން އެ ގައުމުގެ މިސްކިތްތަކުގައި ބަންގި ގޮވުން މަނާކުރަން އަންގަން ފަށައިފިއެވެ.
ސަހްޔޫނީންގެ މިސްކިތްތަކުގައި ލައުޑް ސްޕީކަރު ބޭނުން ކޮށްގެން ބަންގި ގޮވުން މަނާ ކުރުމަށް އެގައުމުގެ ހަރުކަށި ފިކުރުގެ ގައުމީ ސަލާމަތާ ބެހޭ ވަޒީރު ފުލުހުންނަށް އަންގާފައިވާ ކަމަށް އެ ގައުމުގެ މީޑިޔާތަކުން މައުލޫމާތުދެއެވެ.
އެކްސްގައި އިޓަމާރު ބެން-ގްވީރު ކުރި ވީޑިއޯ ޕޯސްޓެއްގައި ބުނީ "މިސްކިތްތަކުގައި އަޑުގަދަވުމުގެ މައްސަލަ އަށް ހައްލެއް ހޯދައި ތަންފީޒު ކުރަން" ފުލުހުން ޖެހޭ ކަމަށެވެ.
ސަހްޔޫނީންގެ ޗެނަލް 12 އިން މީގެ ކުރިން ރިޕޯޓުކޮށްފައިވާ ގޮތުގައި ބެން-ގްވީރު ވަނީ ލައުޑް ސްޕީކަރު ހިފެހެއްޓުމާއި ޖޫރިމަނާ ކުރުން ފަދަ ފިޔަވަޅުތައް ތަންފީޒު ކުރުމާ ގުޅޭ ގޮތުން ފުލުހުންނަށް އިރުޝާދުތަކެއް ދީފައެވެ.
މުސްލިމުންގެ 14% އެ ގައުމުގައި ދިރިއުޅެމުންދާއިރު އަރަބި އަވަށްތަކުގެ މޭޔަރުން ޗެނަލް 12 އަށް ވިދާޅުވީ މިއީ އަރަބި އަދި މުސްލިމް މުޖުތަމައުތަކާ ދެކޮޅަށް ބެން ގްވީރުގެ ފަރާތުން އާ ހިތްވަރެއްގެ ގޮތުގައި ދެކޭ ކަމަށާއި އެކަމުގެ ސަބަބުން ހަމަނުޖެހުން އުފެދިދާނެ ކަމަށެވެ.
