ސަހްޔޫނީން ދިން ވައިގެ ހަމަލާއެއްގައި ފަލަސްތީނުގެ ރައްޔިތުން އުޅެމުން ދިޔަ 15 އަށް ވުރެ ގިނަ ޓެންޓެއްގައި ރޯވެފައިވާ ކަމަށް ރިޕޯޓްތަކުން ބުނެފި އެވެ.

މި ހަމަލާ އަމާޒުކޮށްފައިވަނީ ޣައްޒާގެ މެދުތެރޭގައި ހުންނަ އަލްބުރައިޖް ކޭމްޕްގައި ހިޔާވަހިކަން ހޯދަމުންދާ ފަރާތްތަކަށެވެ.

ސަހްޔޫނީންގެ ހަމަލާތައް ސަލާމަތްތެރި ސަރަހައްދުތަކަށް އަމާޒުކުރަން ފަށާފައިވާ ކަމަށް ފާހަގަކުރެވިފައިވެއެވެ. މިގޮތުން އާންމުން އެއްވެ އުޅޭ ސަރަހައްދުތަކާއި، ސްކޫލްތަކަށާއި ހޮސްޕިޓަލްތަކަށް އަމާޒުކުރާކަން ފާހަގަވެ އެވެ.

ސަހްޔޫނީން ދެމުން އަންނަ މިފަދަ ހަމަލާތަކުގައި ކުޑަކުދިންނާއި އަންހެނުން ޝަހީދުވާ މިންވަރު އިތުރުވެފައިވެ އެވެ.

ހަމަލާތައް ހުއްޓާލުމަށް ސަހްޔޫނީން އެއްބަސްވުމަށް މަޝްވަރާތައް ކުރުމަށް ނިންމާފައިވާއިރު ހަމަލާތައްވަނީ އަނެއްކާވެސް ފެށިފަ އެވެ.

ސަހްޔޫނީން ހިންގަމުންދާ ގަތުލުއާންމުއަށް މިހާރު އަހަރަކަށްވުރެ ގިނަ ދުވަސްވަނީ ވެފަ އެވެ.