Tertiary Fenvarugaikamah Bune Hulhuvi Hulhumale Hospitalgai Dialysis Center Eh Gaaim Kurany

ޓާޝަރީ ފެންވަރުގައިކަމަށް ބުނެ ހުޅުވި ހުޅުމާލެ ހޮސްޕިޓަލުގައި ޑައިލިސިސް ސެންޓަރެއް ގާއިމު ކުރުމަށް މެޑްޓެކާއި ހަވާލުކޮށްފި އެވެ.

މިކަން ހާމަވެފައިވަނީ ހުޅުމާލެ ހޮސްޕިޓަލުން އެކްސްގައި ކުރެއްވި ޕޯސްޓެއްގަ އެވެ.

އެގޮތުން 30 އެނދުގެ ޑައިލިސިސް ސެންޓަރެއް ގާއިމްކުރުމަށް މެޑްޓެކާއި އެކު އެއްބަސްވުމެއްގައި ރަސްމީކޮށް ސޮއިކޮށްފައިވާ ކަމަށް ހާމަކޮށްފައިވެއެވެ. އަދި މި މަސައްކަތް ހަވާލުކޮށްފައިވަނީ 90 ދުވަހުގެ ތެރޭގައި މަސައްކަތް ނިންމާގޮތަށްކަން ފާހަގަކޮށްލެވެ އެވެ.

Today, we officially signed the agreement for the establishment of a 30 bed Dialysis Center at HMH! With 90 days of civil works, this project is set to enhance dialysis services to meet the growing healthcare needs of the expanding Hulhumale’ population.#Medtech #Medcom pic.twitter.com/cP6HzfVykG
— Hulhumalé Hospital (@HMH_mv) February 18, 2025

ހުޅުމާލެ ހޮސްޕިޓަލްގައި ޑައިލިސިސް ހެދުމަށް ހާއްސަކޮށްފައިވަނީ 10 އެނދުކަންް ފާހަގަކޮށްލެވެ އެވެ.

ޓާޝަރީ ހޮސްޕިޓަލްތަކަކީ ހޮސްޕިޓަލް ފަރުވާގެ އެންމެ މަތީ ފެންވަރުގެ ހޮސްޕިޓަލްތަކަށްވާއިރު، އެކަށޭނެ ފެންވަރެއްގައި ހުންނަ ޑައިލިސިސް ސެންޓަރަކީ އާންމުކޮށް ކިޑްނީގެ ބަލި ހުންނަ ބަލިމީހުންނަށް ފުރިހަމަ ފަރުވާއެއް ދިނުމަށްޓަކައި މުހިންމު ބައެކެވެ. އަދި ޓާޝަރީ ހޮސްޕިޓަލެއްގައިވެސް މުހިންމު ތަނެކެވެ.

ދައުލަތުން ހުޅުމާލެ ހޮސްޕިޓަލް ޓާޝަރީ ފެންވަރަށް ތަރައްގީ ކުރިކަމަށް ބުނެ އޭރު ހޮސްޕިޓަލު ހުޅުވީ ދޮގު ހަދައިގެންކަން މިހާރުދަނީ ހާމަ ވަމުންނެވެ.