އަށް އަހަރު ފަހުން ތެލެސީމިއާ ސެންޓަރު ޑިރެކްޓަ ޖެނެރަލަކު ސަރުކާރުން މިއަދު އައްޔަންކޮށްފި އެވެ.
ހެލްތު މިނިސްޓްރީން ބުނީ މި މަގާމަށް އައްޔަންކޮށްފައިވަނީ އަހުމަދު މައުސޫމް ކަމަށެވެ.
މައުސޫމް އަކީ މެނޭޖްމަންޓް ދާއިރާގައި އަދި ހިންގުމުގެ ތަޖުރިބާ ހުންނެވި ބޭފުޅެއް ކަމަށް މިނިސްޓްރީން ބުނެ އެވެ. މީގެ ކުރިން މައުސޫމް ވަނީ އިންދިރާ ގާންދީ މެމޯރިއަލް ހޮސްޕިޓަލުގައިވެސް މަސައްކަތް ކުރައްވާފަ އެވެ.
މީގެ އިތުރުން އެ ސެންޓަރުގެ ޑެޕިއުޓީ ޑިރެކްޓާ ޖެނެރަލް އަކާއި ޑިރެކްޓަރެއްގެ މަގާމަށް ވެސް ވަރަށް އަވަހަށް ބޭފުޅުން ހަމަޖައްސާނެ ކަމަށް މިނިސްޓްރީން ބުނެ އެވެ.
ތެލަސީމިއާ ސެންޓަރަށް ޑިރެކްޓާ ޖެނެރަލެއް މިއަދު މި އައްޔަނުކުރެވުނީ ލޭރައްކާ ކުރާ ފިލްޓަރތައް މައްސަލަޖެހި ބުރަ މަސައކްކަތުން ލޭ އަޅަ ކުދިންގެ މައިންބަފައިން ހޯދާ ލޭ ކޮޅު އުކާލާން ޖެހި އަދި ބްލަންޑް ބޭންކުގެ ޚިދުމަތާ ތެލެސީމިއާ ސެންޓަރުގެ ހިދުމަތްވެސް ފެންވަރުދަށްވެ ތަނުގެ ވެރިންގެ އިސްތިއުފާއަށް ބަލި ކުދިންގެ މައިންބަފައިން ހިމެނޭ ރައްޔިތުން ނުކުމެ އިހުތިޖާޖުކުރަން ފެށުމުން ނެވެ.
