ސަހްޔޫނީން ހުރަސްއެޅި ނަމަވެސް އަންގާރަ ދުވަހު ގުދުސްގެ އަލް އަގްސާ މިސްކިތުގައި ބަރަކާތްތެރި ރަމަޟާން މަހުގެ 25 ވަނަ ދުވަހު ފަލަސްތީނުގެ ގާތްގަނޑަކަށް 100،000 މީހުން ތަރާވީހު ނަމާދުކޮށްފިއެވެ.

އެތަން ހިންގުމުގެ ޒިންމާ އުފުލާ ގުދުސް ވަގުފް އެންޑް އަލް އަގްސާ މިސްކިތް އެފެއާޒް ޑިޕާޓްމަންޓުން ބުނީ އެއްލައްކަ އަޅުކަންކުރާ މީހުންގެ ތެރެއިން ގިނައީ ގުދުސްގެ ރައްޔިތުންނާއި ސަހްޔޫނީ ފަލަސްތީނުގެ ރައްޔިތުން ކަމަށެވެ.

ނަމަވެސް ސަހްޔޫނީންގެ އަސްކަރީ ޗެކްޕޮއިންޓްތަކުގެ ސަބަބުން ހިފާފައިވާ ހުޅަނގު އައްސޭރީގެ އެކި ސިޓީތަކާއި ރަށްތަކުން ފަލަސްތީނުގެ އެތައް ހާސް ރައްޔިތުންނަށް ގުދުސްއަށް ވަނުމަށްވަނީ ގިނަ ހުރަސްތަކެއް އެޅިފައެވެ.

ރަމަޟާން މަސް ފެށުނީއްސުރެ ސަހްޔޫނީން ދަތިކުރުމުގެ ފިޔަވަޅުތަކެއް އަޅާފައިވާއިރު، އެ ސިޓީއަށް ވަދެވެނީ އުމުރާއި ސަލާމަތީ ސްކްރީނިންތައް ކުރުމުގެ ފަހުންނެވެ.