ސަހްޔޫނީން ޣައްޒާގެ ފީލްޑް ހޮސްޕިޓަލެއްގެ އުތުރު ގޭޓަށް އަންގާރަ ދުވަހު ދިން ވައިގެ ހަމަލާއެއްގައި ތިން މެޑިކް އާއި ހަތް ބަލިމީހުން ހިމެނޭ ގޮތަށް 10 މީހަކު ޒަހަމްވިކަން ހާމަވެއްޖެއެވެ.
މުވާސީ ސަރަހައްދުގައި ހުންނަ ކުވައިތު ފީލްޑް ހޮސްޕިޓަލަށް މި ހަމަލާ ކުރިމަތިވިއިރު، އެތައް ލައްކަ ބަޔަކު ވަނީ ޓެންޓް ކޭމްޕްތަކުގައި ހިޔާވަހިކަން ހޯދާފައެވެ. އެ ހޮސްޕިޓަލުގެ ތަރުޖަމާނު ސާބްރޭ މުހައްމަދު ވިދާޅުވީ، އޭގެތެރެއިން ދެމީހުންނަށް ސީރިއަސް ޒަހަމްތަކެއް ލިބިފައިވާ ކަމަށެވެ.
މި ހަމަލާ އާއި ގުޅޭ ގޮތުން ސަހްޔޫނީންގެ އަސްކަރިއްޔާގެ އެއްވެސް ބަހެއް އަދި ހާމައެއް ނުކުރެއެވެ.
18 މަސް ދުވަހުގެ ހަނގުރާމައިގެ ތެރޭގައި ހަމާސްގެ ހަނގުރާމަވެރިން ހޮސްޕިޓަލްތަކުގައި ފޮރުވިގެން ނުވަތަ އަސްކަރީ ބޭނުމަކަށް ބޭނުންކުރާ ކަމަށް ތުހުމަތުކޮށް އަސްކަރިއްޔާއިން ވަނީ އެތައް ފަހަރަކު ހޮސްޕިޓަލްތަކަށް ހަމަލާދީފަ އެވެ.
ހޮސްޕިޓަލްތަކުގެ މުވައްޒަފުން ވަނީ އެ ތުހުމަތުތައް ދޮގުކޮށް، ސަހްޔޫނީންވަނީ ފަރުވާކުޑަކޮށް އާންމުންނަށް ނުރައްކާކޮށް، އެ ސަރަހައްދުގެ ސިއްހީ ނިޒާމު ފުނޑު ފުނޑުކޮށްލަން މަސައްކަތް ކުރާ ކަމުގެ ތުހުމަތުކޮށްފަ އެވެ.
