އޯ ލެވެލް އިމްތިހާން މިއަދު ފެށުމާއި ގުޅިގެން ރައީސް އަބްދުﷲ ޔާމީން އަބްދުލްގައްޔޫމް އިމްތިހާނުގައި ބައިވެރިވާ ހުރިހާ ދަރިވަރުންނަށް ހެޔޮ އެދުން އަރިސްކޮށްފިއެވެ.

ރައީސް ޔާމީން އޯ ލެވެލް އިމްތިހާން ހަދާ ކުދިންނަށް ހެޔޮ އެދުން އަރިސް ކުރެއްވި އިރު މިއަދު އިމްތިހާން ފެށޭނެކަން އެޑިއުކޭޝަން މިނިސްޓްރީންވަނީ ހާމަކޮށްފައެވެ.

ސާނަވީ ނުވަތަ ގްރޭޑް 10 ނިންމާ ދަރިވަރުންނަށް، ބާއްވާ ކެމްބްރިޖް އައި.ޖީ.ސީ.އެސް.އީ އާއި ޖީ.ސީ.އީ އޯލެވެލް އިމްތިޙާނުގެ އިދާރީ މަސައްކަތް ކުރަނީ ޑިޕާޓްމަންޓް އޮފް ޕަބްލިކް އެގްޒަމިނޭޝަނުންނެވެ.

މި އިމްތިޙާނުގައި ބައިވެރިވެވޭނީ އެކަމަށް އިޢުލާން ކުރުމުން، ކަނޑައެޅިފައިވާ އެޕްލިކޭޝަން ފޯމް ހުށަހެޅުމުންނެވެ. އެޕްލިކޭޝަން ފޯމް ހުށަހެޅުން ދެ މަރުޙަލާއަކަށް ބަހާލާފައިވެއެވެ. އެއީ ނޯމަލް އެންޓްރީ އާއި ލޭޓް އެންޓްރީ އެވެ.

އެގޮތުން އެންމެ ފުރަތަމަ އޮންނާނީ 9100 އިސްލާމީ ތަރުބިއްޔަތު ޓެސްޓެވެ.