ރައީސް އަބްދުﷲ ޔާމީން އަބްދުލް ޤައްޔޫމަށް ކޮށްފައިވަނީ ޒާތީ ހުކުމެއް ކަމަށާއި، އެ ހުކުމް ބަލައިނުގަންނަ ކަމަށް އެމަނިކުފާނުގެ ތާއީދާއެކު 20 ވަނަ ރައްޔިތުންގެ މަޖިލިސް އިންތިހާބުގައި ކެޔޮދޫ ދާއިރާއަށް ކުރިމަތިލައްވާފައިވާ އަފްނާން އަލީ ވިދާޅުވެއްޖެއެވެ.
އަފްނާން މިފަދައިން ވިދާޅުވެފައިވަނީ މަޖިލިސް އިންތިހާބުގައި ރައީސް ޔާމީން ތާއީދާއެކު ވާދަކުރެއްވުމަށް ޝައުގުވެރިކަން ފާޅުކޮށްފައިވާ ކެންޑިޑޭޓުން ތައާރަފް ކުރުމަށްޓަކައި ސިލްސިލާ ގޮތެއްގައި ބާއްވަމުންދާ ޖަލްސާތަކުގެ ތެރެއިން ބުރާސްފަތި ދުވަހުގެ ރޭ ބޭއްވި ޖަލްސާގައި ވާހަކަފުޅު ދައްކަވަމުންނެވެ.
އަފްނާން ވިދާޅުވީ ރައީސް ޔާމީން ގެ މައްޗަށް ކޮށްފައިވާ ހުކުމަކީ ޒާތީ ހުކުމެއް ކަމަށާއި ރައީސް ޔާމީންގެ ޝަރީއަތް ކުރިއަށް ނުގެންދެވި މަޑު ޖެހިފައިވަނީ ޝަރީއަތަށް އަތް އަތްބަނާތީ ކަމަށެވެ.
އަޅުގަނޑު ގަބޫލް ކުރާ ހުކުމެއްނޫމް ރައީސް ޔާމީނަށް ކޮށްފައިވަނި. އަޅުގަނޑު ގަބޫލް ކުރާ ގޮތުގައި ރައީސް ޔާމީނަށް ކޮށްފައިވަނީ ވަރަށް ޒާތީ ހުކުމެއް. އަދި އެއަށް އަތްބާނާތީ ޝަރީއަތްވެސް ތާވަލް ނުކުރެވިގެން އެދަނީ
އަފްނާން އަލީ
އޭގެއިތުރުން އަފްނާން ވިދާޅުވީ ރައީސް ޔާމީން ދޫކޮށް އެހެން ޕާޓީއަކާއި ގުޅިވަޑައިނުގަންނަވާނެ ކަމަށެވެ.
