ހުޅުމާލެއިން ރޭ ފުލުހުން ބަލާފާސްކުރި ވޭނެއް ތެރެއިން 40 ފުޅި ބަނގުރާ ހޯދާ އިންޑިއާ އަށް ނިސްބަތްވާ ދެ ފިރިހެނުން ހައްޔަރުކޮށްފި އެވެ.

ފުލުހުން ބުނީ ހުޅުމާލެ 1 ގެ މިދިލި މަގުން ދުއްވާފައި ދިޔަ ވޭނެއް ހުއްޓުވައި ބަލައި ފާސްކުރިއިރު، ބަނގުރާކަމަށް ބެލެވޭ އެއްޗެެއް ހުރި 500 އެމްއެލްގެ 40 ފުޅި ފެނުނު ކަމަށެވެ.

ފުލުހުން އާންމުކޮށްފައިވާ ފޮޓޯތަކުން ފެންނަ ގޮތުގައި ބަނގުރާ އަޅާފައި ހުރީ ބޮނަކުއާ ފެން ހުސްކުރި ފުޅިތަކަކަށެވެ.

ދެ މީހުން ހައްޔަރު ކުރުމުގެ އިތުރުން އެމީހުން ތިބި ވޭން ޓޯކޮށް މައްސަލަަ ބަލަމުން އަންނަ ކަމަށް ފުލުހުން ވަނީ ބުނެފަ އެވެ.