ދޯންޏެއްގައި ގދ. ނަޑެއްލާއަށް ދިޔަ މީހަކު ނުފެނިގެން ހޯދަން ފަށައިފި އެވެ.

ފުލުހުން ބުނީ ހޯދަނީ ހދ. ނޮޅިވަރަމް، ސުހާނީ، އާދަމް އިބްރާހިމް، 34، ކަމަށެވެ.

އޭނަ އިއްޔެ އިއްޔެ މެންދުރު ފަހު 2:00 އެހާކަންހާއިރު ނަޑައްލާ އަށް ކައިރިކުރި "އިތުބާރު" ކިޔާ ދޯންޏަކުން އެ ރަށަށް ފޭބުމަށްފަ ހު އެނބުރި ދޯންޏަށް އައިސްފައި ނުވާތީ އާއި އެއްވެސް ހަބަރެއް ނުވެގެން ފުލުހުންނަށް ރިޕޯޓްކޮށްފައި ވަނީ ރޭ 10:25 އެހާކަންހާއިރު ކަމަށް ފުލުހުން ބުންޏެވެ.

އެހެންވެ މައުލޫމާތު ލިބުމާއެކު ރޭގެ ވަގުތެއްގައި ފުލުހުންގެ ޓީމެއް ނަޑެއްލާ އަށް ގޮސް، ރަށުތެރެ އާއި އެ ރަށް ކައިރީގައިވާ ފަޅު ރަށްތައް ބަލާފައިވާ ކަމަށް ފުލުހުން ބުންޏެވެ. އަދި މިއަދު ވެސް އާދަން ހޯދުމުގެ މަސައްކަތް ކުރިއަށްދާ ކަމަށް ފުލުހުން ބުންޏެވެ.

އާދަމް އިބްރާހިމްއާ ބެހޭ އެއްވެސް މައުލޫމާތެއް ލިބިފައިވާ ނަމަ ރަތަފަންދޫ ޕޮލިސް ސްޓޭޝަންގެ ނަމްބަރު 7909311 އަށް ގުޅައި މައުލޫމާތު ހިއްސާކުރުމަށް ފުލުހުން ވަނީ އެދިފަ އެވެ.