ފިޒިއޯ ކުލިނިކްގައި ކުޑަކުއްޖަކަށް އަނިޔާކުރި ކަމުގެ މައްސަލާގައި ފުލުހުން ދެމީހަކު ހައްޔަރު ކޮށްފިއެވެ.

އެ ދެމީހުން ހައްޔަރު ކޮށްފައިވަނީ ކޯޓު އަމުރެއްގެ ދަށުން ކަމުގައި ފުލުހުން ވަނީ ބުނެފައެވެ. މި މައްސަލާގައި ހައްޔަރުކޮށްފައި ވަނީ އިންޑިޔާގެ ދެ އަންހެނުން ކަމަށްވެސް މައުލޫމާތު ލިބިފައިވެއެވެ. ކޯޓުންވަނީ އެ ދެމީހުންގެ ބަންދަށް 15 ދުވަސް އަމުރު ދީފައި ކަމަށްވެސް މައުލޫމާތު ލިބިފައި ވެއެވެ.

މި މައްސަލައާއި ގުޅޭ ގޮތުން ފިޒިއޯ ކްލިނިކުން ވަނީ ބަޔާނެއް ނެރެފައެވެ. އެބަޔާނުގައި ބުނެފައިވަނީ އެމައްސަލަ އެކްލިނިކުގެ ސަމާލުކަމަށް އައި ހިސާބުން ފިޔަވަޅު އެޅިކަމަށެވެ. އަދި އެ ދެ މުއައްޒަފުން ވަޒީފާއިން ވަކި ކޮށްފައި ވާކަމަށެވެ. އަދި މި މައްސަލައަކީ ވަރަށް ސީރިއަސް މައްސަލައެއް ގޮތުގައި އެ ކްލިނިކުން ބަލާކަމަށެވެ.

މިމައްސަލައަކީ މިމަހު 5 ވަނަ ދުވަހު ހުޅުމާލޭގައި ހުންނަ ކްލިނިކަކަށް ތެރަޕީ ނެގުމަށްޓަކައި ދިޔަ އޯޓިސްޓިކު ކުއްޖަކަށް ޖިސްމާނީ ގޮތުން އަނިޔާ ވެދާނެ ފަދަ ގޮތަކަށް އަމަލު ހުރުމުން ކޮށްފައިވާ ތުހުމަތެކެވެ.

މިމައްސަލާއާއި ގުޅުން ހުރި ސީސީޓީވީ ފުޓޭޖްތައްވެސް ކުލިނިކުންވަނީ ފުލުހުންނާއި ހަވާލުކޮށްފައި ކަމުގައި އެ ކްލިނިކުން ވަނީ ބުނެފައެވެ.