ގއ. ގެމަނަފުއްޓަށް މަސްތުވާތަކެތި އެތެރެކުރަން އުޅުނު ކަމުގެ ތުހުމަތުގައި ފުލުހުންވަނީ މީހަކު ހައްޔަރު ކޮށްފި އެވެ.

ފުލުހުން ބުނިގޮތުގައި ފުލުހުންގެ، ކައުންޓަރ ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ގުޅިގެން ، ގެމަނަފުށި ޕޮލިސް ސްޓޭޝަނާއި އިންޓެލިޖެންސް ގުޅިގެން މި މެއި މަހުގެ 14 ވަނަ ދުވަހު ހިންގި އޮޕަރޭޝަނުގައި ހައްޔަރު ކޮއްފައި ވަނީ ގއ. ގެމަނަފުށި / ބަނަފުސާގެ، 45އަހަރުގެ ޙަސަން ޝުޖާއު އެވެ.

އޭނާ ދުއްވި ލޯންޗު ގެމަނަފުށި ބަނދަރާ ގާތްކުރުމުން އެ ލޯންޗު ބަލައި ފާސްކުރިއިރު ލޯންޗުގައިހުރި ފޮށިގަނޑެއްގެ ތެރެއިން މަސްތުވާތަކެތި ކަމަށް ޝައްކު ކުރެވޭ ރަބަރު ޕެކެޓުތަކެއް ފެނިފައިވާ ކަމަށާއި މިވަގުތު ތަކެތީގެ ވަގުތީ ބަރުދަނަކީ 28 ގުރާމު ކަމުގައި ފުލުހުން މައުލޫމާތު ދީފައި ވެ އެވެ

މި މައްސަލަ އާއި ގުޅިގެން ކޯޓުން ވަނީ މީނާގެ ބަންދަށް 10 ދުވަސް ޖަހާފަ އެވެ.

މި މައްސަލަ ފުލުހުން އަންނަނީ އިތުރަށް ބަލާ ތަހުގީގު ކުރަމުން ނެވެ.